Opoja.net

Dragashi me një deklaratë kërkon lirimin e Haradinajt

Lajme Opoja
Dragashi me një deklaratë kërkon lirimin e Haradinajt

Asamblistët e komunës së Dragashit në një seancë të jashtëzakonshme kanë miratuar sot një deklaratë me anë së cilës kërkojnë lirimin e ish-komandantit të Zonës Operative të Dukagjinit, të Ushtrisë Çlirimtare të Kosovës dhe ish – kryeministrit të Kosovës, Ramush Haradinaj, i cili po mbahet në paraburgim nga autoritetet franceze, sipas një urdhër arrestimi të lëshuar nga Serbia.

Delegatët e Kuvendit Komunal të Dragashit, në seancën e datës 31/01/2017, njëzëri, dënojnë arrestimin dhe mbajtjen e padrejtë në Francë të ish Kryeministrit të Kosovës dhe Liderit të Alancës për Ardhmërinë e Kosovës z.Ramush Haradinaj dhe miratojnë këtë Deklaratën, si vijon:

  1. Arrestimi i zotit Haradianj në bazë të fletëarrestit të Serbisë, për krimet e pretenduara për të cilat zoti Haradinaj, dy herë, është shpallur i pafajshëm nga Tribunali i Hagës, flet për një veprim politik e jo gjyqësor.
  2. Franca, për ne, është një vend mik që e ka njohur Repubikën e Kosovës, prandaj vendimi i autoriteteve gjyqësore të Francës që të ndalojë ish-kryeministrin e Kosovës dhe Kryetarin e AAK-së, Ramush Haradinaj, është i papranueshëm.
  3. Kërkojmë nga shteti francez që në mbeshtetje me parimet e drejtësisë ndërkombetare, pa kushte të lirojë z,Haradinaj dhe ai të largohet, njëherë e përgjithmanë, nga lista e fletëarresteve të Serbisë, për tu lënë i lirë që të vazhdoj punën e tij.
  4. Kërkojmë nga Qeveria e Repubikës së Kosovës , që në procesin e dialogut me Serbinë, si prioritet, të vendosë heqjen e fletëarrestimeve të motivuara politikisht për qytetarët e Republikës së Kosovës.

© Opoja.net

Shqiptaro-amerikanët: Ardhja e Joe Biden, rast historik që Kosova t’i realizojë qëllimet kryesore

Merlinda Guraj

Deklarohen të pa fajshëm të pandehurit të cilët akuzohen për vjedhje të kabllos elektrike

Merlinda Guraj

Siguria në shkollat e komunës së Dragashit

Opoja.net
Agjencia e Lajmeve
www.opoja.net