Tetëmbëdhjetë ditë të fushatës për zgjedhjet lokale kanë kaluar tashmë, si çdo herë po përballemi me premtime të shumta nga liderët e partive politike në Kosovë. Mirëpo, janë qytetarët e komunës së Dragashit të cilët po përballen me një situatë aspak të mirë.
Një prej tyre që jeton në këtë vend ka treguar për ‘Indeksonline’ se prej dje rreth orës 4 të mëngjesit e deri sot kanë mbetur pa energji elektrike.
Pra, Dragashi qe 28 orë po qëndron pa rrymë, ku problemi i kësaj po del të jetë shkak i një prishje të largpërçuesit që është këputur në këtë vend.
Ndërsa, ende personat përgjegjës për këtë rast, nuk kanë dalë që të rregullojnë.
