Drita e mund Ballkanin e Munishit dhe e merr kreun e Superligës

Kushtrim Guraj Kushtrim Guraj Sport

Drita e ka mundur 2:1 Ballkanin në një duel të drejtpërdrejt për kreun e Superligës të dielën në Gjilan, duke e rrëmbyer atë për herë të parë këtë sezon në përpjekje për ta mbrojtur titullin.

Kastriot Rexha me dy gola me kokë në pjesën e parë ia siguroi kampiones në fuqi triumfin kundër liderit së deritanishme në Stadiumin e Qytetit, me golin e Mirlind Dakut që nuk mjaftoi për ta shmangur humbjen e dytë të Ballkanit këtë sezon.

Ishte një duel i shumëpritur mes dy skuadrave të vetme që deri para takimit e kishin pësuar vetëm nga një humbje dhe vlerësohen si dy të vetmet në garë për titull këtë sezon në ligën elitare kosovare.

Drita është tani lider me 36 pikë pas 15 ndeshjeve, me një epërsi prej një pike ndaj Ballkanit.

Ballkani e kishte mposhtur Dritën në duelin e parë këtë sezon në Suharekë, por tani e pësoi humbjen e dytë sezonale në Gjjilan.

Derisa skuadra e Ismet Munishit u përpoq ta kontrollojë ndeshjen, gjë që e bëri, Ardian Nuhiu doli fitimtar falë mbizotërimit të Rexhës në ajër në zonën e Ruxhit.

Rexha e kaloi skuadrën vendase në epërsi në minutën e 31-të, kur realizoi me kokë.

Mirlinda Daku e barazoi në 1:1 rezultatin në minutën e 44-të, duke shënuar nga afërsia.

Por vetëm një minutë më vonë, Rexha shënoi sërish me kokë për ta kthyer epërsinë e vendasve, duke treguar mbizotërim të plotë në ajër në zonën e mysafirëve.

Në pjesën e dytë, skuadra nga Suhareka bëri përpjekje të mëdha të shënonte por nuk arriti të krijojë mjaftueshëm për ta barazuar rezultatin.

Javën e ardhshme, Drita e viziton Skenderajn për t’u përballur me Drenicën, ndërkohë që Ballkani e pret Trepçën ’89 në Suharekë.

The post Drita e mund Ballkanin e Munishit dhe e merr kreun e Superligës appeared first on FaktePlus.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-