Opoja.net

Familjarët e mërgimtarit nga Dragashi që humbi jetën në aksidentin në Serbi: N’rrugë t’vet ka qenë, autobusi e goditi

Të premten ka ndërruar jetë Ali Krasniqi nga fshati Breznë i Dragashit. Ky mërgimtar po kthehej në Vjenë nga Kosova, por gjatë rrugës u aksidentua me një autobus në afërsi të qytetit Krushevac në Serbi. Krasniqi po udhëtonte me veturë bashkë me familjen, gruan dhe tre fëmijët e tij të cilët kanë marrë lëndime por janë jashtë rrezikut për jetën.

Familja e Ali Krasniqit në Dragash që sot do të duhej të festonin për ditëlindjen e 44 të tij, kanë hapur të pamën ku po presin familjarët dhe miqtë për ngushëllime. Vëllai dhe kunata e Alisë, kanë rrëfyer për Gazetën Express ngjarjen e rëndë që i ndodhi familjes me të nisur vitin 2019.

84
SONDAZH / Zgjedhjet Lokale
A mendoni se ka keqpërdorime gjatë zgjedhjeve në Dragash ?

Familja tregoi se Alia po kthehej nga Kosova për në Austri, aty ku ai jetoi për më shumë se dy dekada. Ata kishin ardhur në vendlindje për festat e fundvitit.

“Aksidenti ka ndodhë sot një javë. Ka qenë e diel, në orën 22:00 në, ka ndodhë në dalje ka Krushevaci”, tha vëllai i Alisë.

Ai tha se vëllai i tij ka qenë në veturë bashkë me gruan dhe fëmijët, të cilët kanë pësuar lëndime trupore. Madje njëra vajzë e Alisë ka pësuar frakturë në kokë, e cila është operuar në Nish të Serbisë.

“Pesë veta kanë qenë në veturë, vëllai, gruaja e tij dhe tre fmitë (dy çika e një djalë). Qika ka pësu frakturë në kokë. Vajza është operu në Nish, është jashtë rrezikut për jetën”, tha vëllai i Alisë për Gazetën Express.

Krasniqi jetoi edhe disa ditë pas aksidentit, ai ishe dërguar për trajtim mjekësor në Vjenë, por të premten ndërroi jetë. Kështu tha kuanata e Alisë.

“Pardje ka ndërru jetë në 11 të natës, prej Nishit e kan çu në Vjenë atje ka vdekë”, tha ajo për Gazetën Express.

Ajo shtoi se autobusi e ka goditur veturën e Alisë.

“N’rrugë t’vet ka qenë autobusi i ka ra”, përfundoi ajo.

.

Ali Krasniqi

Komuna e Dragashit ndan 100 bursa studimi

Opoja.net

Aksident trafiku në Dragash, 6 të lënduar

Opoja.net

Nga sot, Kosova dhe Shqipëria me pikë të re kufitare

Opoja.net
Agjencia e Lajmeve
www.opoja.net
Fokusi
Shiko
Zgjedhjet
Kontribo
Raporto