Policia e Kosovës në kuadër të bashkëpunimit me Ambasadën amerikane në Prishtinë, në veçanti INL, Byroja për Çështje Ndërkombëtare të Narkotikëve dhe Zbatimit të Ligjit, po bëhet gjithnjë e më profesionale.
Së fundi INL po ndihmon Policinë e Kosovës në rritjen e performancës së zyrtarëve, rritjen e transparencës dhe përmirësimin e marrëdhënieve me komunitetin pasi i shërben qytetarëve në gjithë Kosovën duke mbështetur themelimin e sistemit të kamerave të veshura në trup.
Ndërkohë, përfaqësues të DEA-së amerikane të cilët ndodhen në Kosovë për ofrimin e një trajnimi për luftimin e narkotikëve, u takuan me krerët e Policisë së Kosovës.
Përfaqësuesit e DEA-së u shprehen mirënjohës për ofrimin e kësaj mundësie që përmes trajnimit t’i ofrojnë njohuritë e tyre te zyrtarët vendorë që merren me luftimin e narkotikëve dhe u deklaruan se do të vazhdojnë mbështetjen dhe përkrahjen për Policinë e Kosovës në luftimin e kësaj dukurie edhe në të ardhmen qoftë përmes trajnimeve dhe bashkëpunimeve të ndryshme.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
