Opoja.net

Komuna e Prizrenit nuk ka zgjidhje për problemin e deponisë në Zhur

Komuna e Prizrenit nuk ka zgjidhje për të parandaluar hudhjen e mbeturinave organike në deponinë e Zhurit, e cila është e destinuar për mbeturina të ngurta. Aromat e pakëndshme, frika nga ndonjë epidemi e mundshme nga mbeturinat organike që hudhen në deponinë e Zhurit do të vijojnë të jenë të pranishme edhe këtë vit.

Komuna e Prizrenit nuk është në gjendje të parandalojë hudhjen e eshtrave të kafshëve nga thertoret dhe individë të ndryshëm, në lokacionin që është caktuar si vend për hudhjen e mbeturinave të ngurta. Një gjë të tillë e pranon drejtori komunal për Shërbime Publike në Prizren, Sulltan Badalli, i cili thotë se në bazë të informacioneve që posedon ai, është duke u punuar në ndërtimin e një fabrike në nivel vendi për riciklimin e eshtrave të kafshëve , e cila sipas tij është e vetmja zgjidhje për trajtimin e këtij problemi, theksoi ai.

E cila është gjendja reale në deponinë e Zhurit që ndodhet në aksin rrugor Prizren – Dragash, ku kundërmimi i mbeturinave organike është i padurueshëm , rrëfen plaku Zaim Berisha, i cili lëviz dy herë në ditë në këtë rrugë. Ndryshe, shumë banorë të Dragashit dhe Zhurit kanë kërkuar që kjo deponi të mbyllet, sepse nuk është vend adekuat për hudhjen e eshtrave dhe kafshëve të ngordhura, dhe se destinacioni I saj është grumbullimi i mbeturinave të ngurta.

Në Prizren është edhe një fenomen tjetër shqetësues, pasi që mbeturinat e ngurta nga ndërmarrje dhe individë të ndryshëm hudhen në Lumbardh ose përgjatë rrugëve që shpiejnë drejt vendbanimeve rurale.

Dragash, ia theu xhamat e veturës dhe e pastaj e sulmoi fizikisht

Opoja.net

Tre meshkuj dhe një femër rrahën mes veti në Dragash

Opoja.net

Rrahje në Dragash, bëhet për spital një person

Opoja.net
Agjencia e Lajmeve
www.opoja.net
 
NA NDIQENI
Send this to a friend