Gazeta Sinjali pak më parë raportoi se një 27-vjeçar është arrestuar nga Policia e Kosovës për shkak se u kap në flagrancë duke tentuar të vidhte para në një Mobil-shop, në Prizren.
Sinjali mëson se i dyshuari është Liridon Delija, i lindur në vitin 1994.
Burimet brenda Prokurorisë Themelore në Prizren i kanë thënë Sinjalit se 27-vjeçari dyshohet se ka tentuar që të vidhte një kuti me rreth 150 euro të holla, të cilat ishin dhuruar nga qytetarët për shoqatën “Jetimat e Ballkanit”.
Liridoni dyshohet se e ka futur kutinë me të holla nën xhup dhe derisa po ikte nga dyqani, është kapur nga pronari, i cili e ka lajmëruar policinë.
Me vendim të prokurorit, ai është dërguar në mbajtje për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
