Opoja.net

LDK-ja në Dragash kërkon arrestimin e drejtorit të Arsimit

Lajme Opoja
LDK-ja në Dragash kërkon arrestimin e drejtorit të Arsimit

Lidhja Demokratike e Kosovës (LDK) në Dragash kërkon nga organet e drejtësisë që të veprojë edhe ndaj drejtorit të Arsimit të këtij qyteti Hajri Ramadani. Sipas këtij subjekti politik, Ramadani ka keqpërdorë detyrën zyrtare.

“Nuk është vetëm Drejtori i DKA-së në Prizren ndaj të cilit është lëshuar fletëarrest për keqpërdorim të pozitës zyrtare dhe cenim të së drejtës në punësim. Edhe ndaj drejtorit të DKA-së në Dragash tashmë ekziston një aktakuzë e ngritur dhe është duke u gjykuar në Departamentin për Krime të Rënda pranë gjykatës themelore në Prizren për keqpërdorim të pozitës zyrtare së bashku me drejtorin e gjimnazit të Dragashit”, thuhet në reagimin e LDK-së në Dragash.

“Përveç një aktakuze të ngritur ndaj tij dhe disa zyrtareve tjerë të DKA-së në Dragash ka edhe disa kallëzime penale të paraqitura në Polici dhe në Prokurorinë Themelore në Dragash për vepër penale të keqpërdorimit të pozitës zyrtare dhe cenim të së drejtës në punësim”.

“Punësimet partiake the familjare tashmë janë bërë trend në komunën e Dragashit, dhe thuajse deri më tash institucionet përgjegjëse për zbatimin e ligjit kanë heshtur ndaj këtyre keqpërdorimeve. Kohëve të fundit kemi parë një shtim të efikasitetit të mekanizmave të sundimit të ligjit siç janë policia e Kosovës, Prokuroria dhe Gjykata, duke vepruar në kohë në trajtimin e shkeljeve të bëra nga Drejtoori i DKA-së së bashku me bashkëpunëtoret e tij”.

“Që nga viti 2010 filloi një trend i tillë, kur në mënyrë masovike u larguan nga puna në procesin arsimor arsimtarë dhe profesor të cilët punuan me dhjetëra vite në arsim, me pretendimin e atëherë të kryetarit të Komunës së nuk kanë përgatitje adekuate, dhe se kandidatet e pranuar në gjimnaz, sidomos për Informatikë dhe Gjuhë Angleze kanë përgatitje adekuate”.

“Më pas, gjegjësisht pas dy vitesh, disa nga kandidatet e pranuar si “adekuatë”, kur nuk u përshtaten urdhrave të pushtetarëve, më mirë me thënë kur nuk u benë servil të tyre, dolën se janë jo adekuat dhe u larguan nga puna, për tu marr përsëri kandidat jo adekuat, por tash që duhet të jenë të dëgjueshëm për pushtetin”.

“Keqpërdorimet jo që janë ndalur, por tashmë vetëm sa janë shtuar. Ketë vit në komunën e Dragashit, akoma vazhdojnë të ligjërojnë në gjimnaz dhe në shkollat fillore profesor dhe mësues me shkollë të mesme, edhe pse ka dhjetëra kandidatë me diploma që bredhin rrugëve”.

“Madje ka pasur rast kur në një konkurs kanë kandiduar një kandidatë me fakultet adekuat dhe një tjetër me shkollë të mesme, dhe është pranua ai me shkollë të mesme. Kemi raste kur janë manipuluar edhe vitet e përvojës së punës dhe procesverbalet, vetëm e vetëm për ti eliminuar kandidatet të cilët nuk i përshtaten vijës së pushtetit. Ne do të ofrojmë edhe fakte për këto parregullsi, por këtë do e bëjmë më vonë, ngase janë duke u gjykuar këto shkelje, dhe janë duke u zhvilluar hetime në prokurorinë themelore në Prizren gjithashtu edhe në gjykatën komunale në Dragash, palët kanë iniciuar padi”.

“Ne besojmë dhe shpresojmë thellë se institucionet e drejtësisë do të veprojnë drejtë dhe do të vendosin drejtësinë dhe do ti ndalin këto keqpërdorime që po i bënë DKA në Dragash, ashtu siç veproi drejtë në të shumtën duke arrestuar keqpërdoruesit e pozitave zyrtare në DKA-në e Prizrenit”.

Aktivistët e VV-së në Dragash i gëzohen fitores në Podujevë, shpresojnë ta mundin LDK-në edhe në Dragash

Fari Kolloni

Aksident me të lënduar në Dragash

Opoja.net

Me një super-organizim të apasionuarit e veturave festojnë “28 Nëntorin”, në Dragash

Opoja.net
Agjencia e Lajmeve
www.opoja.net