Opoja.net

Mblidhet Shtabi Emergjent në Dragash, vendoset për masa shtesë për infeksionin COVID-19

Opoja
Mblidhet Shtabi Emergjent në Dragash, vendoset për masa shtesë për infeksionin COVID-19

Sot është mbajtur mbledhja e tretë e Shtabit Emergjent i kryesuar nga Kryetari i Komunës së Dragashit , Shaban Shabani , në të cilën u vendos për marrjen e masave dhe parapërgatitjet shtesë për parandalimin e infeksionit COVID-19

Paraditen e sotme, Kryetari i Komunës së Dragashit , Shaban Shabani ka mbajtur mbledhjen urgjente me anëtarët e shtabit emergjent me ç’rast pika kryesore e diskutimit ishte situata aktuale, përcaktimi i lokacionit për karantinim dhe propozim për shfrytëzim të pozicioneve buxhetore për përballjen e pandemisë COVID-19.

Sa i përket situatës aktuale anëtarët e Shtabit Emergjent referuan në përmbushjen e obligimeve të deritanishme lidhur me marrjen e masave që lidhen me parandalim të përhapjes së COVID-19. Në theks të veçantë u kërkua që të përcillet situata me kujdes të shtuar dhe vazhdimin e kontrolleve mjekësore të të gjithë atyre që referohen si raste me simptoma nga ana e dy ekipeve mobile që aktualisht janë në terren, krahas kontrolleve të rregullta në QKMF. Gjithashtu angazhimi i inspektoratit dhe policisë mbetet permanent gjatë gjithë kohës.

Në takim u diskutua edhe për situatën aktuale që lidhet me furnizimin me artikuj bazë dhe përgatitjen e planit për furnizim varësisht prej rrethanave të reja që mund të krijohen.

Kërkesë e veçantë e Shtabit ishte respektimi në tërësi i vendimeve nga niveli qendror dhe lokal me theks të veçantë qëndrimi në shtëpi si masa kryesore për evitimin e përhapjes së COVID-19.

Kompania “Meka Halal Food” ekzekuton rrogën e 14-të për punëtorët

Opoja.net

Shkeljet në tenderin e Komunës së Dragashit për ambulancë

Opoja.net

Ish Kampioni botës , Enver Idrizi nga Amerika ia bëson shëndetin Dr.Hatim Baxhakut kirurgut Opojarë

Opoja.net
Agjencia e Lajmeve
www.opoja.net