Opoja.net

Naser Ramadani: Vaksinat kundër COVID-19 do të arrijnë së shpejti

Drejtori i Institutit Kombëtar të Shëndetit Publik (IKShPK), Naser Ramadani, ka deklaruar se vaksina kundër COVID-19 në Kosovë do të vijë së shpejti.

Ai ka thënë se njerëzit duhet të jenë optimistë dhe të presin.

“Vaksina do të vijë së shpejti, duhet me qenë optimistë me e pritë. Sepse vaksinën më shumë se që ne e duam profesionistët shëndetësorë besoj që edhe të tjerët e dëshirojnë po aq. Ndërsa ka konspiracione të çuditshme të cilat nuk e kanë asnjë bazë shkencore që mos me e marr vaksinën. Pra vaksina është metoda më e mirë, më e lirë dhe më efikase kundër një sëmundjeje”, ka thënë Ramadani në “Debat Pernime“.

Ai ka pretenduar se Kosova dhe Instituti e kanë një plan strategjik se kush dhe si do të vaksinohet fillimisht.

“Problemi i vaksinimit ka të bëjë me një strategji, që quhet strategjia e imunizimit kundër COVID-19, atë strategji Kosova e ka gati që sa muaj. Në bazë të asaj strategjie janë përcaktuar prioritetet dhe indikacionet për vaksinim. Në këto prioritete i kemi lënë punëtorët shëndetësorë të parët dhe të moshuarit krahas dhe pastaj të sëmurët kronikë. E më pastaj popullata tjetër e shëndoshë, sidomos të rinjtë deri në 18 vjet kanë me pritë një etapë tjetër”, ka thënë Ramadani.

Katër vatra të zjarrit janë aktive në Kosovë

Opoja.net

Përhapja e zjarreve në Kosovë, kjo është vatra më serioze

Opoja.net

Kurti: Mërgata, pjesë thelbësore e zhvillimit të qëndrueshëm

Opoja.net
Agjencia e Lajmeve
www.opoja.net
 
NA NDIQENI
Send this to a friend