Dragash – Ndërsa 12 lopë kanë ngordhur, 150 të tjera janë prekur nga sëmundja gungore e lëkurës në Komunën e Dragashit, bën të ditur “Koha Ditore”.
Drejtori i Bujqësisë, Inspeksionit, Turizmit dhe Zhvillimit Rural në Komunën e Dragashit, Bajram Hoxha, ka konfirmuar praninë e sëmundjes në territorin e kësaj komune. Ai ka theksuar se ende nuk janë siguruar vaksinat kundër kësaj sëmundjeje.
Sipas raportit zyrtar, sëmundja gungore e lëkurës së gjedhit nga 19 gushti i këtij viti ka prekur 156 ferma në 20 komuna të Kosovës, ku parashihet se janë përfshirë 2 mijë e 609 kafshë, trasmeton Opoja.net.
