Autor: Fatmir Halili
Kosova edhe dy muaj shënon dhjetë vjetorin e shtetësis së saj, ndërsa në qershorin e vitit, që edhe pak ditë po fillojmë, do të festoj tetmbëdhjetë vjetorin e çlirimit. Për gati dy dekada vazhdojmë të renditemi ndër vendet me mirqënien sociale më të dobët, dhe atë, jo vetëm në kontinentin e Evropës, vazhdojmë të kemi më shumë se 25 mijë familje në përkujdesin social, vazhdojmë të renditemi ndër vendet me cilësin më të dobët të arsimit në botë, vazhdojmë të kemi numër enorm të të papunëve, vazhdojmë të jemi ndër vendet me korrupsionin më të lartë në botë, vazhdojnë të kërkojnë shumë pacient shërim në vende të ndryshme të rajonit dhe të botës.
Në gjithë këtë mjerim ekonomik e social, megjithatë, jeta luksoze e politikanëve të këtij shteti dhe të kësaj shoqërie të varfër nuk mungon, përkundrazi, gjendet edhe komoditet për të ngritur pagat e tyre. Pa asnjë dilemë, vendimi për rritjen e pagave të qeveritarëve mund të quhet skandaloz dhe i turpshëm. Por, nuk mund të priten vendime më të menqura të një qeverie megalomane, me afër njëqind poste ministrore, nuk mund të priten vendime më të menqura nga një Kryeministër që arsyeton gjuajtjen me armë nga zëvendësi i tij, nuk mund të priten vendime të menqura kur në shekullin XXI justifikohen gjërat përmes traditës e kanunit. Në një demokraci normale kjo gjykohet dhe denohet. Aty ku vepron shteti ligjor as 24 orë nuk do të mbante postin qeveritar ai që bënë një veprim të till. Kjo qasje ndaj shtetit na ka bërë të jemi e vetmja shoqëri në rajon e izoluar, kjo qasje ndaj institucioneve na ka humbur shpresat si shoqëri, kjo qasje na ka bërë që ikjen nga këtu ta shohim si zgjidhje të vetme. Keq, shumë keq!
(Shkrimi në këtë artikull nuk shpreh qëndrimet dhe opinionet e redaksisë së Portalit “Opoja.net“. E gjithë përgjegjësia e shprehjeve, bie mbi autorin e këtij opinioni).
Dërgoni edhe ju opinionin tuaj në këtë email: info@opoja.net)