Opoja.net

Nga janari deri në maj, faturat e energjisë elektrike do të vijnë më lirë

Nga janari deri në maj, faturat e energjisë elektrike do të vijnë më lirë

Ligji për Rimëkëmbje Ekonomike parasheh edhe subvencionimin e konsumatorëve të energjisë elektrike.

Pjesa e energjisë elektrike që e marrin nga prodhuesit e energjisë nga burimet e ripërtëritshme do të subvencionohet. Kjo, pasi qeveria në bazë të ligjit ka ndarë një shumë deri në 16 milionë euro, e cila do t’u jepet atyre prodhuesve përmes KOSTT-it.

Zëdhënësi i KEDS-it, Viktor Buzhala, ka thënë se shuma që e përfitojnë këta prodhues, do t’iu zbritet konsumatorëve.

Pra, mjetet do të derdhen në këtë kompani e nga aty tek prodhuesit. Kjo do të zgjasë nga janari deri në maj.

“Në bazë të kalkulimeve del që konsumatorëve do t’iu zbritet në faturat e tyre çmimi prej 0.0061 cent për kilovat/orë të shpenzuar nga tash deri në maj. Kjo nënkupton që nëse një konsumator ka shpenzuar 1000 kilovat/orë gjatë 1 muaji, fatura do t’i vije 6.1 euro më lirë”, ka thënë ai.

“Pra, subvencionimi është i lidhur direkt me prodhuesit e energjisë së ripërtëritshme (BRE), rrjedhimisht zbritja në euro lidhet me konsumin e eneregjisë elektrike”.

Më tej shtoi se ekspertët e KESCO-s kanë bërë maksimumin që përgatitjet për implelementimin e kësaj zbritje të bëhen me kohë dhe kësaj ia kanë arritur me sukses të plotë.

“Tashmë çdo gjë është gati dhe kjo zbritje ka filluar të implementohet në fatura”, tha tutje.

Çmimet e energjisë elektrike caktohen nga Zyra e Rregullatorit të Energjisë. Këto çmime në Kosovë, sipas agjencisë zyrtare të statistikave të Bashkimit Evropian, Eurostat, janë më të lirat në Evropë

Zhduket një vajzë në Prizren

Opoja.net

Fotografia e Adem Jasharit vendoset në majën më të lartë të Ballkanit

Opoja.net

9 të vdekur dhe 548 raste të reja me COVID-19

Opoja.net
Agjencia e Lajmeve
www.opoja.net