Katër burra në Prizren kanë lajmëruar Policinë se janë kanosur me armë zjarri nga axha i tyre.
Sipas raportimit të tyre rasti ka ndodhur pas një mosmarrëveshje për një kontest pronësor.
Rasti ka ndodhur të hënën rreth orës 09:50.
“Katër meshkuj kosovarë, kanë lajmëruar policinë se janë kanosur me armë zjarri nga axha i tyre i dyshuari kosovar. Sipas viktimave, incidenti ka ndodhur pas një mosmarrëveshje që kanë me të dyshuarin rreth një kontesti pronësor”, thuhet në raportin e Policisë.
Sipas raportit rasti po trajtohet në procedurë të rregullt. “Gjatë kontrollit në shtëpinë e të dyshuarit, është gjetur dhe sekuestruar një pistoletë, 46 fishekë dhe një pushkë ajrore për të cilat i dyshuari kishte leje. Në konsultim me prokurorin rasti shkon në procedurë të rregullt”, thuhet në raport.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
