Rreth orës 11:30 minuta në rrugën “Adem Jashari” në Prizren, pran dyqanit “Sehsar”, sot ka ndodhur një përleshje, fillimisht në rrugë e më pas është zhvendosur në brendësi të lokalit, bën të ditur Policia në Prizren.
Sipas njoftimit, gjatë kacafytjes njëri nga të dyshuarit ka përdorur armën e zjarrit, me ç ‘rast predha e plumbit e ka goditur lehtë një punëtore, e cila punonte në dyqan, transmeton Koha.net. Po ashtu, lehtë është lënduar edhe një punëtor tjetër, të cilit nuk i kujtohet se me se, por të dy viktimat kanë kërkuar ndihmë mjekësore.
Policia ka nisur hetimin e rastit për gjetjen e të dyshuarve, të cilët hëpërhë janë të panjohur.
