Policia e Kosovës u bëri thirrje qytetarëve të kenë kujdes të shtuar në trafik, gjatë lëvizjes së makinerive bujqësore.
Nëpërmjet Facebookut, Policia ftoi që të respektohen rregullat e trafikut rrugor, të përdoret material reflektues dhe trekëndësh i sigurisë, të pastrohet dhe të zëvendësohet materiali reflektues.
Ndërsa, autoritetet ftuan që të mos drejtohet vetura nën ndikim të alkoolit, të mos qëndrohet në anësoret e mjeteve të punës, të mos përdoret telefoni gjatë drejtimit dhe të mos vozitet me lodhje.
“Shoqërohuni nga mjeti përcjellës, përdorni mjete reflektuese, shmangu nga trafiku i dendur dhe shmangni ngasjen në mot të lig”, thuhet në rekomandimet e Policisë.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
