Parkingjet ilegale nëpër trotuare kanë filluar të bëhen shqetësim i përditshëm për qytetarët, andaj Drejtoria Rajonale e Policisë në Prizren , ka nxjerr një urdhër operativ që në këtë javë, patrullat Policore në Prizren dhe Suharekë që të merren më intesivisht më lirimin e trotuareve dhe rrugëve nga parkingjet ilegale e kundërvajtësit të gjobiten.
Gjatë këtyre tre ditëve është bërë një punë e mirë dhe janë liruar shumë trotuare dhe janë shqiptuar gjoba për kundërvajtësit .
Vetëm gjatë 24 orëve të fundit nga patrullat policore të Drejtorisë Rajonale në Prizren janë shqiptuar 361 tiketa për kundërvajtësit në komunikacion.
Policia e Kosovës fton qytetarët që të respektojnë rregullat e komunikacionit e veçanërisht të respektojnë rregullat e parkimit, ngase pengimi i këmbësorëve dhe rrjedhës së komunikacionit me parkime të paligjshme nuk do të tolerohet, thuhet në njoftimin e Policisë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
