Policia e Kosovës në raportin e sotshëm raporton për vjedhje të një arme, të cilën pronari e kishte me leje. Ngjarja ka ndodhur më 12 gusht në Prizren.
Sipas raportit të policisë, ankuesi mashkull ka raportuar se të dyshuar të panjohur gjatë një ahengu familjar nga vetura e tij i kanë vjedhur një armë, për të cilën posedonte leje zyrtare. Hajnat përveç armës kishin marrë edhe një karikator dhe dhjetë fishekë të cal. 9 mm.
Sipas viktimës armën e kishte lënë në veturë për shkaqe sigurie, pasi që në shtëpi ka pasur pjesëmarrës të shumtë në aheng.
Njësitet policore janë duke hetuar rastin, saktëson raporti.
