Lionel Messi duket se e ka lënë pas lëndimin që e pësoi në gju javën e kaluar.
Ylli argjentinas ka qetësuar tifozët e Paris Saint-Germainit pasi sot ai u rikthye në stërvitje me bashkëlojtarët.
Kjo u bë e ditur nga disa pamje të stërvitjes së sotme të publikuara nga klubi parisien në faqen zyrtare.
Gjashtë herë fituesi i Topit të Artë në pamje shihet duke stërvitur së bashku me shokët e skuadrës.
Messi ka regjistruar vetëm tri paraqitje deri më tani me fanellën e kampionëve të shumëfishtë francez.
Argjentinasi ende nuk e ka gjetur rrugën e golit.
34-vjeçari iu bashkua Paris Saint-Germainit merkaton e verës si lojtar i lirë pasi kontrata e tij me Barcelonën kishte skaduar në qershor.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
