Nga falimentimi i fabrikës për përpunimin e leshit “Rematex” në Dragash, kanë mbetur pa punë qindra punëtorë, të cilët edhe 8 muaj pas mbylljes së fabrikës nuk po arrijnë t’i marrin pagat e tyre që ua ka borxh menaxhmenti i kësaj fabrike.
Punëtorët kanë thënë për portalin “ Opoja.net” se askush nuk ka dhënë llogari lidhur me pagat e tyre. Ata thonë se pronarët turq më nuk kanë ardhur në Kosovë për të diskutuar për pagat.
Arijan Sofiu, i cili ka punuar në këtë fabrikë, nuk ka shpresë së një ditë do të mundë të marrë pagë. Ai thotë se pas mbylljes së fabrikës nuk kanë takuar pronarët turq pasi ata nuk gjenden në Kosovë, ku edhe siç thotë ai, asnjëherë nuk ka marrë të paktën asnjë arsyetim se çka do të ndodhë me pagat e tyre. Ai thotë se premtimet e dhëna nga drejtori se pagat do të paguhen më 13 shkurt kanë qenë vetëm premtime.
© Opoja.net
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
