Dy raste të rrahjes janë shënuar brenda 24 orësh në Prizren dhe Suharekë. Policia njofton pesë persona të përfshirë në këto rrahje kanë pësuar lëndime trupore.
Rasti i parë i rrahjes është shënuar në rrugën “Rrasat e Koshares” në Prizren.
“Janë arrestuar katër të dyshuar, pasi që të njëjtit pas një mosmarrëveshje janë përleshur fizikisht në mes vete”, njofton Policia e Kosovës.
“Të dyshuarit kanë pësuar lëndime trupore dhe të njëjtit kanë pranuar tretman mjekësor. Me urdhër të prokurorit tre të dyshuar dërgohen në mbajtje, ndërsa i dyshuari i katërt lirohet në procedurë të rregullt”.
Ndërkaq, rasti i dytë i rrahjes ka ndodhur në rrugën “Brigada 123” në Suharekë.
“ Është arrestuar i dyshuari, pasi që i njëjti përderisa ishte në një lokal fillimisht është fjalosur me viktimën, kurse më pas e ka sulmuar fizikisht me një mjet të mprehtë-thikë, duke i shkaktuar lëndime trupore”.
“Viktima është dërguar për tretman mjekësor në spitalin e Prizrenit. Me urdhër të prokurorit pas intervistimit i dyshuari dërgohet në mbajtje”./PrizrenPress.com/
