Opoja.net

Rriten çmimet e produkteve bujqësore

Çmimet në Kosovë kanë luhatje thuajse për çdo muaj. Sidomos ato në bujqësi që kanë pësuar rritje të ndjeshme sipas raportit të fundit të Agjencisë së Statistikave të Kosovës mbi “Indeksin e Çmimeve të Inputeve dhe Çmimet në Bujqësi, TM2 2017’.

Kështu në bazë të këtij raporti, patatja prej 33 cent sa kushtonte një kilogram në mars, në qershor ishte ngritur ky çmim dhe kushton 44 cent.

Po kështu edhe çmimi për një kilogram spinaq është rritur. Prej 59 cent sa kushtonte në mars, ky çmim në muajin qershor është 84 cent.

Fasulja që kushtonte 2 euro e 54 cent për kilogram, në qershor është shtrenjtuar dhe mund ta blesh për 2 euro e 69 cent.

Edhe arrat janë shtrenjtuar. Nëse një kilogram arra në muajin mars ke mundur ta blesh për 2 euro e 64 cent, tani duhet të paguash 3 euro e 7 cent.

Përpos shtrenjtimit të disa produkteve, disa të tjera mund t’i blesh më lirë. 30 copë vezë në mars kushtonin 2 euro e 41 cent, ndërsa në qershor janë liruar dhe kushtojnë 2 euro e 2 cent.

Ulje të çmimit ka pasure edhe te hudhra. Prej 5 euro e 29 cent për kilogram, tani kushton 4 euro e 76 cent.

Mirëpo ka edhe produkte çmimi i të cilave nuk ka ndryshuar fare përgjatë muajve. Kështu çmimi i grurit ka ngelur i njëjti, 18 cent për kilogram. /Gazeta Fjala/

​Kultivuesit e deleve dhe dhive kërkojnë rritje të subvencioneve, ndryshe paralajmërojnë protesta

Opoja.net

Siberia regjistron temperatura alarmante prej 48 gradë Celsius

Merlinda Guraj

Masat e nxehta ajrore nga Afrika rëndojnë cilësinë e ajrit në Kosovë

Merlinda Guraj
Agjencia e Lajmeve
www.opoja.net
 
NA NDIQENI
Send this to a friend