Barcelona duhet t’i paguajë 3.000 euro Federatës Spanjolle të Futbollit (RFEF) për shkak të nderimit që Lionel Messi i bërë legjendës Diego Armando Maradona në ndeshjen ndaj Osasunas (4-0).
Superylli argjentinas gjithë takimin e fundjavës ia kushtoi ikonës së futbollit, i cili ndërroi jetë në javën e kaluar në moshën 60 vjeçare, si pasojë e një sulmi në zemër.
Sulmuesi i katalunasve e shënoi golin e katërt që ishte rikrijim i një goli të Maradonas për Newell’s Old Boys dhe hoqi fanellën e Barcës për të ekspozuar fanellën e ish-klubit të tij dhe të ikonës që mbante numrin 10 legjendar.
(Foto: Twitter/Newell’s Old Boys)
Dhe në bazë të Kodit Disiplinor të RFEF, klubi duhet të paguajë gjobë prej 3.000 eurosh për këtë veprim, ndërsa Messi do të marrë një paralajmërim.
Neni 91 i Kodit Disiplinor të RFEF thotë: Lojtari, i cili pasi të ketë shënuar gol apo çfarëdo arsye tjetër, ngre fanellën dhe shfaq çfarëdo lloj reklame, slogan, mesazh akronim, anagram ose vizatim, cilado qoftë përmbajtja ose qëllimi i veprimit, do të ndëshkohet si autor i një shkeljeje të rëndë, me një gjobë prej 3.000 eurosh dhe një paralajmërim”.
Padyshim se Messi është i gatshëm që me shumë dëshirë ta paguajë vet këtë gjobë.
The post Sa do t’i kushtojë Barcës nderimi që Messi i bëri Maradonas appeared first on FaktePlus.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
