Opoja.net

Shala, për të tretën herë më radhë Pehlivani më i dalluar në garën e Dragashit

Lajme Opoja

Në Dragash është mbajtur gara tradicionale e pehlivanëve e cila është organizuar nga Kuvendi Komunal i Dragashit në bashkëpunim me Federatën e Mundjes të Kosovës.

Para qindra shikuesve, për të tretën herë më radhë mundësi nga Suhareka, Egzon Shala, ka fituar vendin e parë në një garë tejet të fortë me garues nga Bullgaria, Maqedonia, Shqipëria dhe Kosova. Ai me plotë meritë ka mposhtur dy kundërshtar të fortë nga Bullgaria në duele që zgjuan kërshërinë e të pranishmëve në stadiumin e KF “ Opoja”. Egzoni thotë se ndjehet shumë i gëzuar për suksesin e arritur në këtë garë tradicionale, ka bërë të ditur Tv Prizreni.

Ndërkaq, kryetari i Dragashit, Salim Jonuzi, tha se ky aktivitet tradicional është dashur të mbahet në kuadër të ditës së çlirimit të kësaj komune me datën 15 qershor, mirëpo një gjë e tillë është shtyrë këtë vit, për shkak të pjesëmarrjes së mundësve dhe disa zyrtarëve të Federatës në Lojërat e para Evropiane që u mbajtën në Baku të Azerbajxhanit.

Në kategorinë e dytë, Edon Shala , nga Prizreni është shpallur më i miri , ndërsa në kategoritë më të reja të padiskutueshëm kanë qenë vëllezërit, Elvis, Veli e Vullnet Susuri, nga Prizreni. (Opoja.net)

Ujku filmohet shumë pranë fshatrave të Opojës

Opoja.net

Drejtoria e Arsimit në Dragash zgjat edhe për pesë ditë konkursin për bursa

Fari Kolloni

Laurat Krasniqi: LDK-në nuk e kam përfshirë në skandalin e punësimeve, sqaroni problemet me partnerët e koalicionit

Fari Kolloni
Agjencia e Lajmeve
www.opoja.net