Tufa ujqish janë shfaqur përsëri në fshatin Zaplluxhe të Dragashit, banorët janë shumë të shqetësuar pasi ata po shohin vazhdimisht tufa ujqish afër rrugës kryesore nëpër të cilën kalojnë banorët dhe nxënësit çdo ditë.
Ndryshe nga vitet tjera, sivjet ujqërit po shfaqen më të madhe në trevën e Opojës. Një javë më parë Opoja.net publikoi një video ku shihen ujqërit në fshatin Kosavë.
Disa ditë më vonë në rrjetin social në facebook, faqja “Fshati Zaplluxhe”, postoi fotografi me vrasje të ujqërve, e cila u publiku në Portale dhe gazeta, në të cilën reaguan edhe shumë organizata për mbrojtjen e kafshëve të egra.
Sot në redaksinë e Portalit “Opoja.net”, ka ardhur një video në të cilën shihen tufa ujqish. Banorët e këtij fshati dhe të kësaj treve kanë shprehur shqetësimin pasi ujqit çdo ditë e më shumë po shfaqen dhe po i afrohen fshatit.
“Sivjet është ndryshe nga vitet tjera, në këtë stinë dimri po vërehen shumë ujqish dhe çdo herë e më shumë po i afrohen fshatit”, thotë një banorë i fshatit Zaplluxhe. Sipas tij, treva e Opojës përfshir të gjitha fshatrat janë të rrezikuar nga ujqërit.
Shqetësimi më i madhë i banorëve të fshatit Zaplluxhe është se në këtë rrugë çdo ditë kalojnë nxënësit për të shkuar në shkollë.
“Në këtë rrugë kalojnë nxënësit për të shkuar në shkollë, ata janë më të rrezikuarit nga ujqërit”, shprehën banorët e fshatit.
Shteti dhe institucionet nuk kanë ndërmarr ende asgjë për rrezikun e ujqërve, e gjuhëtarëve të kësaj ane nuk po ju lejohet vrasja e tyre as edhe për tu mbrojtur nga ta. Situata duhet të zgjidhet sa më parë pasi rreziku mund të jetë çdo herë e më i madhë, ujqërit janë vazhdimisht përreth shtëpive dhe rrugëve.
© Opoja.net
