Ministrisë së Arsimit i janë dashur më shumë se 8 vjet për ndërtimin e objektit të ri të shkollës së mesme në Dragash.
Por kur MASHT’i i ka kryer të gjitha obligimet, është Komuna ajo që nuk i ka përfunduar të sajat, raporton KTV.
Në Ministrinë e Arsimit thonë se objekti ka qenë i gatshëm që nga viti i kaluar, porse komuna e Dragashit nuk ka shprehur interesim që mësimi të fillojë në këtë objekt.
Në anën tjetër, zyrtarët komunalë të Dragashit fajin për mosfunksionalizimin e këtij objekti ia hedhin dikasterit të arsimit.
Ata thonë që shumë herë kanë kërkuar nga MASHT’i të financojë ndërtimin e një objekti të ri të shkollës.
Salim Jonuzi, Kryetar i Komunës së Dragashit, nuk e di kur do të fillojë mësimi në atë shkollë.
Opozitarët në këtë qytet thonë se vonesat e tilla janë bërë vetëm për shpërlaje parash.
Sipas Selim Kryeziut, komuna është dashur që shumë herët ta funksionalizojë objektin.
Vlera e kontratës për investimin e objektit të shkollës së mesme në Dragash është më shumë se 2 milionë euro. /Opoja.net
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
