Është e natyrshme të kesh ndjenja të armiqësisë, zemërimit dhe xhelozisë, por ajo që bëni me këto ndjenja mund të të ndihmojë ta robërosh apo çlirosh veten. Nëse u dorëzoheni këtyre emocioneve, do të ushqeni një përbindësh që do ta zhyt zemrën tuaj në papastërti siç është urrejtja. Nëse e kupton se këto emocione janë sikur ujërat e zeza që duhet t’i largoni nga zemra e juaj, atëherë do të shpëtoheni nga thundrat e xhelozisë dhe armiqësisë.
Mësoni zemrën tuaj të falë.
Mësoni zemrën tuaj për t’u çliruar.
Mësoni zemrën tuaj që të mos ketë zili të tjerët dhe të ndjejë gëzim për fatin e të tjerëve.
Trajnimi i zemrës është shumë i ngjashëm me stërvitjen e trupit dhe ngritjen e peshave. Ju duhet të filloni me pesha të vogla dhe gradualisht t’i rrisni. Në fillim kjo mund të jetë e dhimbshme, nganjëherë e padurueshme, por me përpjekje dhe këmbëngulje të ndërgjegjshme mund të arrini qëndrueshmëri dhe fuqi. Fuqia emocionale që do ta arrini, do t’ju ndihmojë t’i kapërceni këto ndjenja të armiqësisë dhe zemërimit.
Çdo ditë, përveç obligimeve të detyrueshme, ndani disa minuta për ta pastruar zemrën nga këto emocione të xhelozisë, zemërimit dhe armiqësisë që do t’i shkatërrojnë marrëdhëniet tuaja dhe në fund të fundit do ta shkatërrojnë dynjallëkun dhe ahiretin tuaj.
Autore: Haleh Banani
Përktheu: Lutfi Muaremi