Opoja.net

Transformatori i ri do ta stabilizojë furnizimin me energji në Dragash

Transformatori i ri do ta stabilizojë furnizimin me energji në Dragash

Kompania Kosovare për Distribuim dhe Furnizim me Energji Elektrike (KEDS), në vazhdën e investimeve në rinovimin e rrjetit, ka vendosur një transformator të ri në Dragash.

Transformatori, do të sigurojë shpërndarjen në standardet më të larta të energjisë elektrike në fshatrat dhe qytetin e Dragashit.

Korab Zymeri, menaxher për koordinim të releve në KEDS tha se transformatori i ri, ka kapacitet prej 8 Megavolt Amper (MVA).

“Ky transformator ka dyfishin e fuqisë, krahasuar me atë të vjetrin, sepse është i nivelit të tensionit 35/10 Kilo volt”, tregon Zymeri.

Sipas tij, transformatori i vjetër nuk ka plotësuar kërkesat e banorëve të Dragashit.

“Transformatori i vjetër ka pasur fuqi prej 4 Megavolt Amper (MVA), prandaj nuk i ka plotësuar kërkesat e banorëve”, tregon ai.

Banori i Dragashit Rean Krasniqi tha se kohët e fundit, kanë pasur probleme me furnizim të mjaftueshëm të energjisë elektrike.

“Rryma ka qenë shumë e dobët. Tash shpresojmë se do të kemi më shumë rrymë”, shprehet ai.

Krasniqi, gjatë tërë kohës sa janë zhvilluar punimet nga punëtorët e KEDS-it, ka përcjell nga afër vendosjen e transformatorit të ri. Ai tregon se transformatori i vjetër, ka qenë i vendosur në vitet 70’ta.

“Transformatori ka qenë shumë i vjetër ”, shprehet ai.

Menaxheri i KEDS-it Zymeri, tha se me ndërrimit e këtij transformatori është rritur siguria e furnizimit me energji elektrike në komunën e Dragashit”.

© Opoja.net

Aktivitetet për nder të Epopesë së UÇK-së

Opoja.net

DKA në Dragash ndanë mirënjohje për mësimdhënësit e pensionuar

Opoja.net

U zhvillua edicioni i dytë i garës ndërkombëtare të skijimit “Dardania Cup”

Opoja.net
Agjencia e Lajmeve
www.opoja.net