- Barazia e burrave dhe grave në Kuran theksohet në
ajetin 35 të sures Ahzab: ” Nuk ka dyshim se për muslimanët e muslimanet,
besimtarët e besimtaret, adhuruesit e adhurueset, të sinqertit e të sinqertat,
durimtarët e durimtaret, të përvuajturit e të përvuajturat, sadakadhënësit e
sadakadhënëset, agjëruesit e agjërueset, ruajtësit e nderit e ruajtëset e
nderit, shumëpërmendësit e Allahut e shumëpërmendëset e Allahut, Allahu ka
përgatitur falje (mëkatesh) dhe shpërblim të madh”.
- Sqarimet se para kujt nuk duhet të mbaj mbulesën gruaja
gjenden në ajetin e 55 të sures Ahzab: “Nuk është mëkat për ato (gratë të
jenë të pambuluara) ndaj etërve të tyre, as ndaj djemve të tyre, as ndaj
vëllezërve të tyre, as ndaj djemve të vëllezërve të tyre, as ndaj djemve të
motrave të tyre, as ndaj grave të tyre, e as ndaj robëreshave të tyre. E, frikësohuni
(o ju gra) Allahut, Allahu është pranë çdo sendi.”
- Sadakaja jepet haptas dhe fshehtas. Qëllimi i dhënies
së sadakas haptas është për të inkurajuar edhe tjerët të japin: “Ata që
lexojnë librin e All-llahut, e falin namazin dhe nga begatitë që Ne u kemi
dhënë japin fshehtazi e haptazi, ata e shpresojnë në një fitim që kurrë nuk
humbet.”
Preporod.com
(Islampress)