(Reogim ndaj gënjeshtrave të ‘akademik” H. Islamit në “OPOJA Net”)
Megjithëse Aristoteli e adhuronte dhe e nderonte shumë mësuesin e tij, Platonin, por në mjaft pikëpamje filozofike nuk ishte në një mendje me të. Në një nga veprat e tij thotë se: “midis miqve dhe së vërtetës është gjë e shenjtë të duash më shumë të vërtetën”.
Në “Opoja net” ditë më parë u publikua një shkrim i z. Hivzi Islami, i porositur dhe i dizajnuar nga një koleg e tij nga Opoja. Akademiku kot mundohet me e shpërnda helmin e akumuluar të ndërgjegjës së tij nëpër Kosovë dhe as me ndihmën e suflerit të tij siq pohon ai se qenka nga Opoja në vendlindjën time në Opojë.
Shkrimi i z. Islamit në “Opoja Net” me titull Hajriz Meleqi një spekulant, fund e krye ishte shpekulues, tendencioz, fyes, nënqmues dhe gënjeshtër e kulluar, prandaj ndiej obligim që t’i përgjigjem z. Islami dhe kolegut të tij nga Opoja dhe t’ua bëj me dije se nuk e kanë takatin t’a zhbëjnë punën time të ndershme 50 vjeqare në Arsim.
Në faqet e internetit gjeta epizodat e letërkëmbimeve të Islamit dhe atje kërkoja fjalën “spekulant”, por në ato letra gjeta vetëm fyerje reciproke nga të dya palët me fjalët më të pista të mundshme si: provokator, primitiv, pseudoakademik, pseudoshkrimtar, titist, përtac, rrugaç, manipulant, përqarës, intrigash, udbash, servil, prepotent, egoist, puthador, linques, spiun i UDB-së, plagjiator, sharlatan, palo mashkull etj. Në mesin e këtyre fjaleve fjala spekulant ishte prezente në të gjitha letrat.
Fjala spekulant ishte fjala më e përsëritur në ato kembime letrash të cilën ia kishin thënë z. Islami. Kuptimi I fjalës spekulant është shtrenbërues i fakteve, i argumenteve dhe i të vërtetës për përfitime përsonale, po ashtu nxjerrës i përfitimeve në rrugë të padrejta, thash me veti profesori me paska kursyar dhe se në mesin e gjitha atyre fjaleve të pista e paska zgjedhur fjalën Spekulant, të cilën atij ia kishin thënë të gjithë ata që kishin këmbyar letra me të.
Isha në dilemë, të shkraj dhe të ndoti fjalorin sikurse ai, apo të mos shkruaj dhe të pranojë të pavërtetetat që i ka plasuar zotniu në opinion, dhe me qëllim të caktuar në Opojën time. Vendosa për variantin më të veshtirë të shkruaj, por mu dasht që nga fjalori im mos të rastisë ndonjë fjalë fyese, prandaj që në fillim kërkoj falje nga miqët e mij në facebok, nga ish nxënësit, ish studentët dhe nga kolegët e mij gjeografë, për ndonjë fjalë që mund të konsiderohet si fyese.
Nuk jam unë i pari, për të cilin shkruan kësisoj z. Islami, ku me një mjeshtri të rrallë nga kultura e tij e ulët nxjerrë fjalë fyese dhe gënjeshra të kulluara mirë. Ai tani është i mësuar të fyaj të tjerët, por as nuk brengoset kur atë e fyejnë, sepse ka krijuar imunitet. Letra të këtilla, sa mbaj mend unë, tërë jetën ka këmbyar me shumë intelektualë tjerë qoftë edhe të nivelit akademik, fatkeqësisht letrat e tia kanë përfunduar me autogola dhe kanë shpërfaqur nivelin e edukatës, shpirtëngushtësinë, arogancën, zilinë, hakmarrjen, gjelozinë, despotizmin, egoizmin dhe agresivititetin që nuk duhet t’i këtë një intelektual e lëre më një akademik.
Pretekst për të shkruar z. Islami në adresen time, ka qenë reagimi im në “Opoja Net” me titull: “Shantazh dhe sulm i pa parë kundër mbrojtësve të intergritetit territorial të Kosovës”. Shkrimin tim z. Islami e konsiderojka fyes, e që vertetë nuk është fyes sepse nuk kam vu në pikëpyetje aftësinë e tij shkencore intelektuale, por shkrimi im ishte kritikues dhe do të vazhdojë të jetë gjithmanë i njejtë, për të gjithë ata që i kontribuojnë zvoglimit të territorit kosovar, pa marrë parasysh se kush janë ata dhe pa marrë parasysh se çka do të ngjajë me atë vijë kufitare apo edhe me asociacianin e komunave serbe.
Duhet pranauar se z. Islami, në letrat e tij me mjeshtri din t’a përdorë sulmin si mbrojtje me efikase. Njejtë paska vepruar edhe ndaj shkrimit tim kritik, kur me sulme mundohet të largojë vemendjen nga turpi i tij “demarkacion” të cilin me vetëdije e ka ngarkuar mbi shpinën e vet.
Po ashtu objektivin e shkrimit tim e paska tjetërsuar dhe e paska lidhur me një gjeja revanshizëm ndaj tij, për një të padrejtë që vertetë ma ka bërë në vitin 2009. Çfarë lidhje paska një padrejtësi që ai dikur ma paska bërë me qeshtjet e sotme madhore pë vendin demarkacionin apo asociacionin. Kjo nuk qendron, sepse reagimet e mia kanë qenë kundër të gjithë atyre që kanë pohuar, se me demarkacion Kosova nuk humb territor. Njejtë kam reaguar edhe ndaj udhëheqësve të shtetit dhe jo për ndonjë revansh ndaj tyre, sepse asnjëri prej tyre përsonalisht kurr nuk me kanë shkaktuar ndonjë të keqe apo ndonjë padrejtësi.
Eshtë e vertetë, se peshën e kriktikës në shkrimet e mia, e kam rënduar pak më shumë kundra tij jo si Hivzi por si akademik dhe kryeakademik, sepse kam qenë i befasuar se si ka mundësi një kryakademik, për t’a ruajtur karrikën deri në vdekje, të harrojë rolin e tij prej kryeakademiku dhe të shndërrohet në një ekspert katasrtri, të luaj rolin e djallit të mallkuar dhe me një mund të madh të rrokullis shtyllat elektrike për të mat sipërfaqën e Kosovës, e kur të kryan matjen, t’i delë një pjesë e tepërt dhe këtë copë tepricë t’a fusë në një raport, të cilin me pompozitet me percjellje kamerash, t’ia dhuron kryeministrit, në vend se t’i dhuronte ndonjë projekt propozim për zhvillimin ekonomik të Kosovës, apo ndonjë reagim për bashkësinë ndërkombëtare se në Kosovë po ndodh “presedani” që nuk ka ndodhur askund në rruzullin tokësor: po kembehen vizat me territor.
Në debatin e eksperteve rreth demarkacionit që kohë më parë e patëm në ndërtesën e Parlamentit të Kosovës, z. Islami kur e mori fjalën tha: “Unë jam demograf dhe nuk marr vesh aq mirë me harta dhe se mua nuk me ka konsultuar askush për formimin e Komisionit shtetëror për demarkacion…”. Nga fishkllima dhe reagimi i pjesëmarrësve në debat, muhabeti i tij që nuk kishte të bëj aspak me shencën u ndërpre dhe aty u kuptua se ky njëri i majës akademike shkencore do të renditët me argatët tjerë për t’i dhënë tokë Malit të Zi, kuptohet vetëm e vetëm për t’a zgjatur edhe pak qendimin e tij në karrikën e kryeakademikut.
Duke e njohur karierizmin e tij, nuk u habita kur pas pak ditësh, ky njëri i cili deklaroi se nuk është njohës i hartave, u bë ekspert i hartave dhe muar një obligim, sipas meje shumë të rëndë për t’a matur sipërfaqën e Kosovës, dhe nga instanca më e lartë shkencore, nga Akademia e Shkencave i tregoi botës shumë qartë se Kosova nuk po humb tokë dhe se kështu i “dual hakut” atëdheut.
Lë ta vlerësojë lexuesi se cili jemi spekulant, se cili po spekulojmë dhe po e përcaktojmë sipërfaqën e Kosovës ende pa u përcaktuar kufijt definitiv të saj.
Sa poshtë paska ra z. Islami, kur paska gënjyar në pikë të ditës dhe paska shkruar se “e paskam lutur dhe se paskam qarë para tij, për t’u pranuar si profesor universiteti”. Me sinqeritetin më të madh u them lexuesve të ndëruar se asnjëherë në jetën time nuk i jam nënshtruar askujt dhe së të gjitha punët i kam kryar me djersën time. As para dhe as pas pranimit në Universitet, nuk kam shkelur në zyrën e tij, sepse zyra e tij ka qenë vazhdimisht e izoluar si për profesorë ashtu edhe për studentë, pëveç për disa të preferuarëve të tij. Kam konkuruar, i kam plotësuar të gjitha kushtet e konkursit më mirë se kandidatët tjerë dhe jam pranuar, sigurisht edhe me pëlqimin e profesorit Islami.
Se është manipulant, gjeloz, hakmarrës e shpirtngusht, z. Islami mund t’a lexoni vetëm pjesën e fundit të raportit të cilin e ka publikuar një javë më parë në “Opoja Net” me të cilin është përpjekur të ulë poshtë aftësitë e mia intelektuale dhe shekncore, kur shkruan: “Për titullin e profesorit të asocuar kandidati duhet të këtë një numër të zgjedhur të monografive dhe publikimeve të shqyrtuara në revista ndërkombëtare shkencore ose artistike, me së paku tri punime kryesore të publikuara dhe të shqyrtuara në revista ndërkombëtare”. Dhe pa pikë turpi në raport pohon se këto kandidatit i mungojnë.
E këto kushte që shkruan Islami në raport unë i plotësoja të gjitha: Kisha të botuara dy monografi shkencore, I kasha të publikuara tri punime me recension ndërkombëtar në në Revistën HAEMUS, Revista europeana Bucuresti me ISSN: 1454-1203. (numër që tregon se revista është e nivelit të lartë shencore ndëkombëtare) me këta tituj: 1. Some geographical Characteristics and position of Gora, 2. A Geographical analysis of Kosova trade exchange in the post-war period, 3. ADEVARUL- FIUL TIMPULUI (E verteta-bija e kohës) Teza arnautashe si përpjekje pë të shtrembëruar realitetin shkencor lidhur me etnogjenezën e popullsisë në Opojë. Një kumtesë në sipoziumin gjithëkombëtar të gjeografisë, Një numër relativisht të madh të punimeve shkencore të publikuara në Shqipëri, Maqedoni dhe në Kosovë. Dhe isha gati në përfundim të librit Gjeografia Regjionale e Botës.
Me insistimin e Dekanit Dr. Isa Elezaj, i cili ishte i bindur se i plotësoja kushtet për avansim, Senati i Univerzitetit lëndën time e këthen në rishqyrtim. Mirpo Z. Islami me sjelljet e tija sikurse të neperkës dhe hienës, nuk la derë patrokit në universitet dhe arriti qëllimin, nuk lejon të fillojë rishqyrtimi dhe arrinë ta ndalë lëndën time në Departament. Lëxuesi e din mirë se çfarë njrëz janë ata që intervenojnë për keq.
Islami, avansimin tim arrtiti t’a ndalë, por asnjëherë nuk ka mundur të ndalë vullnetin tim për punën me studentë, e as punën vetmohuese të studentëve të mi si në Departamentin e Gjeografisë ashtu edhe në Fakultetin e Edukimit në Prishtinë dhe në Gjilan dhe as sjelljet e mia me kolegët e departamentit dhe të fakultetit. Për gënjeshtrat që i ka shënuar në raport, nuk me lejon niveli im akademik, që Islamin ta quaj rrenagji dhe manipulant, hakmarrës, etj, e din vet a është i tillë.
Miq të ndëruar, profesor Islami për mua paska shkruar krejt çka ka dijtur dhe çka ka mundur të shpifë, prandaj pa keqkuptimin t’uaj do të shpërfaqi vetëm një pjesë të veprimeve të tia, e që ju do të mund të vlerësoni se a duhet ti këtë bërë një Kryeakademik.
Me Profesor Islamin jemi njohur herët, kur ai ishte kryetar i Partisë Fshatare të Kosovës dhe unë isha njëri nga themeluesit e saj. Marëdhënie të mira me të kishim deri në vitin 2008 kur ai vet filloi të largohej nga unë. Pretekst për tu larguar nga une nuk ishte asnjë zenkë mes nesh por ishte gjelozia e tij rreth një çmimit “Profesor i dalluar” që ma patë ndarë SHAPS Shoqata për Aftësim Profesional të Studentëve me date 07.03. 2008.
Me vendimin e H. Islamit, Partia Fshatare e Kosovës e ndërpret aktivitetin e saj, mu në kohën më të nevojshme kur është dashur për të vepruar ajo, sepse situata politike në Kosovë ishte shumë e rëndë dhe kur Lidhja Demokratike e Kosovës nga regjimi serb rrezikohej që të mos funksionojë. Nuk jam i sigurtë së këtë e ka bërë nga frika apo nga ndonjë mosmarrëveshje me LDK-në (flitej se gjëja Presidenti Rugova ia kishte ndalur taxhinë).
Profesor Islami, punën në universitet e rifillon pas çlirimit të Kosovës, kur studentët rikëthehen në objektet e fakultetit. Pasi fillova punën time në Universitet, nga kolegët kuptova se në periudhën para se të pranohem unë në universitet, z. Islami paska qenë shef i katerdrës dhe se e paska vazhduar politikën e largimit të profesorëve, por kësaj radhe jo nga regjimi serb por nga vet Islami, Paska larguar të gjithë profesorët me të cilët kishte pasur konflikte qysh herët, në kohën e paraluftës.
Të parin që e paska larguar nga proqesi mësimor, paska qenë profesori shumë njohur Dr. Musa Gashi (i cili ka qenë profesor i Islamit dhe i imi), sipas asj që më kanë treguar profesorët që kanë qenë prezentë në një mbledhje të Departamentit para luftës, profesor Musa Gashi e paska ndëshkuar fizikisht profesorin Islami); Pas tij nga proqesi mësimor i paska larguar edhe profesorët: Dr. Murat Mehën, Dr. Riza Qavollin, Dr. Ibrahim Ahmetin dhe Dr. Nail Dragën ( që të gjithë me një bagazh të lartë shkencor).
Si njeri konfliktuaoz paska vazhduar të acorojë dhe të prish marëdhëniet me Dr. Asllan Pushkën, tani i ndjerë dhe me Dr. Gani Gashin, tani i ndjerë i cili paska qenë asistent i Dr. Murat Mehës. Kur unë fillova punën në universitet, ishte i acaruar skajshmërisht me Dr. Tefik Bashën, i cili mbetët shembull për mirësjelljet e tij si me kolegë ashtu edhe me studentë. Në vitin 2009 marëdhëniet i prish edhe me mua dhe krejtë në fund edhe me Dr. Mimoza Dushin, e cila ishte asistene e tij, me Dr. Shpejtim Bulliqin dhe me Dr. Florim Isufin. Kosa e Islamit ka kosit njejtë qofshin ata kolegë ish profesorë apo edhe kolegë ish studentë të tij.
- Islami gjithmonë e ka keqpërdorur autoritetin e kryeakademekut, gjithmonë ka zgjedhur, me kujtohet një rast kurë i ka ligjeruar të gjitha lëndët në grupin e masterit rrafsh 9 lëndë, ka qenë suigeneris, sepse një gjë e tillë nuk ndodh në botën akademike. Studentët e dinë më së miri se çfarë mish mashi bëhet kur një profesor perveç norms që ka të studentët baqellor, ligjeron brenda javës edhe 9 lëndë të një grup master.
Sedra e tij prej akademiku nuk ka guxuar të shkilet, për një reagim të studenteve, me kujtohet kur u është hakmarrur. Rast eklatant ka ngjarë të disa student të shkëlqyeshëm, të cilët si mentor i udhëhiqte Z. Islami. Ata kurr nuk arritën të mbrojnë masterin, gjatë kohës kur ai i udhëheqte, sa që intervenon dekanati dhe atyre u caktohet mentor tjetër, emrat e atyre studentëve nuk po ua përmendi për korektësi sepse ishin vertë student të dalluar.
Kur i erdhi koha e pensionimit, i acaruar me mbi gjysmën e kolektivit dhe me shumë profesorë tjerë nga fakulteti, z. Islami iku pa lamtumirë dhe për faqe të zezë, nuk e pati guximin që të paktën një herë të shkelë në pragun e një institucioni që atë e ngriti deri të pozicionin e akademikut. Edhe pse u largua, zanatin nuk e harroi, filloi nga Akademia e Shkencave të dergojë letra linquese dhe shantazhuese ndaj disa profesorëve të Departamentit të Gjeografisë.
Gjatë aktivitetit të tij spektakular rreth demarkacionit, H. Islami vazhdon një sulm shantazhues ndaj Dr. Shpejtim Bulliqit dhe Dr. Florim Isufit, harron se ata ishin studentë të tij, dhe në vend së të mburrej me punën e tyre të ndershme dhe shkencore, ai pa fije turpi kërkon që autoritetet e Fakultetit t’i ndëshkojnë këta profesorë që po vazhdojnë t’i dalin në ndihmë atëdheut.
Në dallim nga ish profesori i tyre Islami, nga profesorët Bulliqi dhe Isufi, deri tani vërehet një maturi dhe një edukatë akademike. Këta djem profesorit të tyre po i përgjigjën vetëm me argumente shkencore dhe dhe jo me kundëfyrje.
Njezet vjetë e ka udhëhequr apo me mirë me thënë e ka vu në gjum akademinë, edhe pse në të ka kuadro të deshmuara akademike. Në akademi vet ka pre dhe vet ka qep. Në akademi ka pranuar kuadro të porositura nga politika. Ka refuzuar kandidatët më të merituar shkencor, në mesin e tyre edhe Prof. Dr. Asllan Pushkën, i cili ka qenë shtylla e Departamentit të Gjeografisë dhe me një numër të madh të librave shkencore të publikuara.
Koha kur akademinë e ka udhëheq z. Islami, Kosova ka pas shumë nevojë për ndihmesë nga Akademia e Shekencës së Kosovës. Detyrë e akademisë ka qenë të organizojë simpoziume e të bejë reagime dhe kumtesa të shumta: për helmimin e nxënësve, për mbylljen e shkollave shqipe, për largimin e punëtorëve shqiptar, para luftës, pastaj për gjenocidin dhe masakrt serbe ndaj populates, për dhunimet, për djegien dhe shkatrrimin e shtëpive dhe të pasurisë, për luftën e drejtë çlirimtare, për të pagjeturit, për dëmët që mund të sjellë Asociacioni i komunave serbe, për demarkimin e kufirit, për gjykatën speciale, për kishat ortodokse shqiptare. Ka pas nevojë për ndihmesën akademike në mëkëmbjen ekonomike të Kosovës, për të kapërcyer gjendjen e veshtirë në arsim dhe në shendetësi, etj.
Realisht aktivitet i Akademisë, për aq kohë sa e ka udhëhequr Islami ka qenë: -Publikimi i një enciklopedie të nivelit të ulët dhe të shitur në mënyrë klandestine me çmim prej 20 eurosh; -Ribotimi i përmbledhur i punimeve të H. Islamit; -Botimi i disa librave të disa kolegëve, të cilët vun firmën në letrën shantazhuese të Islamit ndaj Komisionit Qeveritar Bulliqi; -Një simpozium rreth migrimeve të popullsisë; -Tubimët komemorative për akademikët e ndjerë dhe -Një matje spektakulare e sipërfaqës së Kosovës.
Tanimë, opinion është në lajthitje, kuj t’i besohet. T’i besohet akademikut Islami, të enciklopedisë që ai e publikoi, ku kufiri përputhet plotësisht me raportin e Komisionit Shtetëror Bulliqi, apo t’i besohet akademikut Islami si matës i sipërfaqës me shtylla elektrike!!!???
- Islami me paska akuzuar se paskam shkruar skripta për studentë, dhe se ato i paskam përpiluar duke i përkëthyar materialet nga gjuhet tjera. Po kam shkruar mbi 10 skripte nga lëmi të ndrshme gjeografike, të cilat studentët vazhdojnë t’i marrin në “Zeroprint” për një apo 2 euro. Ky njeri që e paska udhëhequr shkencën kosovare paska qenë larg metodologjisë së hulumtimeve shkencore dhe nuk po e ditka se skriptat dhe librat shollore e universitare janë punime profesionale shkencore, janë sistemim i zbulimeve të deritanishme shkencore nga autorë të ndryshëm botëror. Pse z. Islami nuk e bëri të paktën në skriptë apo një libër universitar demografik gjatë punës së tij katerdhjetëvjeqare në Departamentin e Gjeografisë.
Do ta përfundoj shkrimin tim duke uruar që të mos jetë e vertetë thënia e z. Ramabaja në Gazetën “Info Pres”: “është tmerrësisht irrituese për shkencën shqiptare fakti që në krye të Akademisë sonë qëndron një plagjiator klasik dhe person i lidhur me shumë fije me strukturat jugosllave”.
- Meleqi, 16 janar 2018
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
