Opoja.net

TV Opoja transmeton finalet e turneut humanitar “Opoja për Gentianen”!

Lajme Opoja
TV Opoja transmeton finalet e turneut humanitar “Opoja për Gentianen”!

Kanali i parë dhe i vetëm televiziv në komunën e Sharrit, TV OPOJA do të transmetojë drejtpërdrejtë ndeshjet gjysmëfinale dhe finale të Turneut humanitar “Opoja për Gentianen” që do të zhvillohen me datë 5 shkurt 2018 me fillim në orën 17.00!

Me këtë edhe TV OPOJA po u bashkohet mijëra njerëzve e organizatave të vullnetit të mirë të cilët po ndihmojnë në grumbullimin e mjeteve për shërimin e Gentiana Qafleshit e cila është shtruar për shërim në një spital të Francës dhe për shërimin e saj nevojitet shuma prej 150 mijë eurosh! Turneu humanitar “Opoja për Gentianen”, më i madhi që është organizuar ndonjëherë në trevën e Opojës me pjesëmarrje të 40 ekipeve nga komuna e Sharrit si dhe nga ajo e Prizrenit, ishte ide e futbollistit të mirënjohur opojan Ditëlind Reshiti i mbështetur nga bashkëlojtarë të tij të KF OPOJA dhe rinia e fshatit Bellobrad, ka për synim grumbullimin e mjeteve për shërimin e Gentianes. Turneu po mbahet në QRS “Qëndresa” në fshatin Kapre. Pas 38 ndeshjeve, të zhvilluara të shtunën e të dielën, sot (e hënë, 5 shkurt) luhen dy ndeshjet e fundit të turneut, përkatësisht gjysmëfinalja ndërmjet ekipeve “Autolarje XIMI” dhe “KF OPOJA” e cila fillon në orën 17, ndërsa ndeshja finale në të cilën do të takohen fituesi i gjysmëfinales me ekipin “Ura Plast”, fillon në orën 19.00.

Ju njoftojmë se Televizioni OPOJA mund të shikohet nëpër rrjetet kabllore si dhe ato Iptv, por edhe në playstore duke e shkarkuar aplikacionin personal të saj në web faqe, e gjithashtu ndeshja transmetohet “live” edhe në faqen zyrtare të TV OPOJA në facebook! Gentianes i dëshirojmë shërim të shpejtë, organizatorëve të turneut suksese, ndërsa atyre që kontribuojnë në këtë aksion humanitar ju dëshirojmë mbarësi!

Mot i vranët dhe me reshje të dobëta bore

Merlinda Guraj

Shtyhet seanca për rastin ku paditësja po kërkon nga Komuna e Dragashit kompensimin e dëmit në shumën prej 19 mijë euro

Opoja.net

Moti sot, ftohtë dhe borë

Merlinda Guraj
Agjencia e Lajmeve
www.opoja.net