Një tjetër talent i madh i futbollit ka pranuar ta përfaqësojë Kosovën.
Bëhet fjalë për mesfushorin në radhët e gjigantit gjerman, Bayern Munich, Benjamin Dibrani, i cili aktivizohet me ekipin U17 të klubit bavarez, përcjell FrontOnline.
Ky i fundit gjatë ditës së sotme ka qëndruar në FFK, ku është pritur nga kryetari Agim Ademi.
Me këtë rast, ai ka konfirmuar se do të jetë pjesë e “Dardanëve”, duke filluar nga ekipi kombëtar U19, teksa ka thënë se ëndrra e tij është që në të ardhmen ta japë kontributin e tij në Përfaqësuesen A të Kosovës.
Ademi i ka dëshiruar mirëseardhje talentit të Bayernit, duke e uruar për një karrierë sa më të suksesshme.
Ai e ka vlerësuar rolin e madh të diasporës shqiptare edhe në aspektin e futbollit, ngase përfaqësimi i Kosovës nga talentet e tillë si Dibrani e vërtetojnë atdhedashurinë e përhershme të mërgimtarëve tanë dhe njëherësh e rrisin cilësinë në ekipet zinxhir të përfaqësueses sonë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
