Opoja.net

Zaim Hajredini zgjedhet kryetari i Degës së AKR-së në Dragash

Zaim Hajredini zgjedhet kryetari i Degës së AKR-së në Dragash

Në kuadër të riorganizimit të brendshëm të partisë, sot Dega e Aleancës Kosova e Re në Dragash, në prani të 141 delegatëve dhe mysafirëve të shumtë, ka mbajtur Kuvendin e saj Zgjedhor.

Punimet e Kuvendit i hapi koordinatori i Degës, Zaim Hajredini, i cili para mysafirëve e bëri një prezantim të procesit të formimit të 16 nëndegëve nëpër fshatrat e këtij rajoni, njëherit duke i falënderuar përfaqësuesit e këtyre nëndegëve për angazhimin e tyre.

Kuvendin me një fjalë rasti e përshëndeti Koordinatori i Zgjedhjeve në AKR Vesel Makolli, i cili tha se AKR-ja ka plan konkret për zhvillimin e Dragashit.

Kuvendi më pas i ka vazhduar punimet, duke zgjedhur strukturat e saj udhëheqëse, ku me shumicë votash Kryetar i Degës së Aleancës Kosova e Re në Dragash, është zgjedhur koordinatori i deritanishëm i kësaj dege, Zaim Hajredini.

Duke i falënderuar delegatët, Kryetari i sapo zgjedhur i degës, tha se me AKR-në dhe me Behgjet Pacollin Kosova do të ketë mundësinë e mirëqenies, integrimit evropian si dhe zhvillimit të qëndrueshëm ekonomik.

Hajredini premtoi se do të angazhohet maksimalisht për realizimin e plan programit të AKR-së në Dragash. Kuvendi më vonë ka zgjedhur edhe Kryesinë e kësaj Dege, me nënkryetarët Ymridin Mehmeti e Shpetim Hajredini, sekretar Mujdin Jusufi si dhe 11 anëtarë të Kryesisë.

Në Dragash, Agjencia Turke për Bashkëpunim dhe Koordinim (TIKA) ndihmon familjet në nevojë!

Opoja.net

Disa fshatra të Dragashit nesër mbesin pa rrymë

Opoja.net

Ambasadori i Bullgarisë, Hristo Gudjev viziton Komunën e Dragashit

Opoja.net
Agjencia e Lajmeve
www.opoja.net