Opoja.net

1 muaj paraburgim të pandehurit nga Prizreni që sulmoi fizikisht nënën e tij

Kronika

Gjykata Themelore e Prizrenit, Departamenti i Përgjithshëm Penal, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohë zgjatje prej një (1) muaji të pandehurit me iniciale V.R, nga Prizreni, e cila masë do të llogaritet prej kohës së ndalimit me datë 17.02.2018, nga ora 10:20 minuta dhe do të zgjasë deri më datën 17.03.2018, për shkak të dyshimit të bazuar se ka kryer veprën penale lëndim i lehtë trupor nga neni 188 par.3 pika 3.1. lidhur me par.1 pika 1.4 të KPRK-së.

Sepse me datën 17.02.2018, rrethe orës 10.15 minuta, në Qendrën e Mjekësisë Familjare në Prizren, pas një mosmarrëveshje me nënën e tij – të dëmtuarën me iniciale S.R., në atë mënyrë që gjersa e dëmtuara ishte duke punuar në QKMF si motër medicina le, i pandehuri shkon në vendin ku punon, dhe nga e njëjta kërkon para, pasi që e dëmtuara nuk i jep, i pandehuri e sulmon fizikisht (nënën e tij) duke i shkaktuar lëndime të lehta trupore.

Gjykata në bazë të raportit policor dhe shkresave të bashkangjitura kërkesës për caktimin e paraburgimit ka vërejtur se i pandehuri ka edhe çrregullime psikike dhe është trajtuar nga ana e mjekëve derisa ka qenë në ndalim, gjithashtu ai ka deklaruar se është përdorues i mjeteve narkotike një kohë të gjatë dhe kjo e bënë të paqëndrueshëm në veprimet e tij. I pandehuri është i njohur për gjykatën si recidivist. Andaj gjykata e ka caktuar masën e paraburgimit,njofton zëdhënësja e Gjykatës në Prizren, Afërdita Kicaj.

Mos i humb

Mungon gjykatësja, dështon gjykimi për vjedhje të rëndë dhe blerje të sendeve të vjedhura

Opoja.net

Aksident zingjiror në Prizren, katër vetura të përfshira

Opoja.net

Prizren: Punëtori kapet nga rryma gjatë ndërtimit të shtëpisë

Opoja.net

Rrahje në spitalin e Prizrenit, nëna e sulmon infermieren

Opoja.net

Rrahje mes dy familjeve në Prizren, përfshihen edhe gratë

Opoja.net

Shqetësuese, mbi 100 aksidente brenda 24-orëve në Kosovë

Opoja.net
Agjencia e Lajmeve
www.opoja.net