Njoftohen qytetarët se për nder të 12 vjetorit të Pavarësisë së Republikës së Kosovës, 17 Shkurtit do të ketë organizime të ndryshme kulturo-artistike e sportive.
Më datë 14/02/2019, e premte, do të mbahet finalja e futbollit me nxënës të shkollave të mesme duke filluar nga ora 9:30, e më pas nga ora 10:30 do të mbahet finalja e volejbollit për femra në sallën sportive në Shkollën e mesme “Ruzhdi Berisha”.
Po në këtë datë, në ora 14:30, në Q.S “Aroma” në Buzes, do të mbahet finalja e futbollit të vogël mes nxënësve të shkollave fillore, me finaliste shkollat fillore “Fetah Sylejmani” dhe “Sezai Surroi”, kurse nga ora 15:30, në Q.S “Qëndresa” do të mbahet finalja e futbollit të vogël mes arsimtarëve, mes ekipeve të shkollave fillore “Ulina” dhe fituesit nga ndeshja mes shkollës fillore “Sezai Surroi” dhe “Ilmi Bahtijari”, e cila mbahet sot nga ora 14:00.
Të hënën, më datë 17/02/2019, me fillim nga ora 10:00, në sallën e Komunës së Dragashit, mbahet Akademia Solemne kushtuar kësaj feste, për të vazhduar më pas me vendosjen e kurorave në Shtatoren e Adem Jasharit, Varrezave të Dëshmorëve në Dragash dhe Buqe.
Më pas, duke filluar nga ora 12:00, Shoqëria kulturore “Bresana” do të bëjë një defile duke filluar nga stacioni i autobusave deri në qendër para komunës. Më pas do të mbahen aktivitete kulturore në Sheshin Adem Jashari.
Pjesëmarrja sa më masovike e juaja në këto manifestime, do ta bëjë edhe më madhështore këtë festë.
Mirë ardhshi!
