Opoja.net

Ambasadori i Anglisë Ian Cliff, viziton Dragashin

Lajme Opoja

Dragash, 5 mars – Ambasadori i Anglisë në Kosovë, Jan Cliff, të enjten, ka vizituar komunën e Dragashit. Me këtë rast, kryetari i Komunës, Salim Jenuzi, e ka informuar ambasadorin anglez me gjendjen aktuale politike, si dhe angazhimet e strukturave lokale për përmirësimin e kushteve të jetesës për banorët e të dy komuniteteve.

“Jemi ndër komunat që kemi krijuar ambient të përshtatshëm për mbarë popullatën e kësaj komune, pavarësisht nga përkatësia etnike. Kemi disa probleme me arsimin paralel, më të cilin qëllimisht nuk jemi dashur të merremi, ngase, kohëve të fundit, edhe ata që e kanë krijuar atë, janë duke iu bashkëngjitur atyre që punojnë në sistemin arsimor të Kosovës.

Ndërsa sa i përket institucioneve tjera lokale, pjesëtarët e komunitetit pakicë, janë të përfshirë konform strukturës së popullatës që jetojnë në këtë komunë. Përmirësimi i jetës së qytetarëve të të dy komuniteteve, ka qenë në vazhdimësi fokusim i yni. Pas marrjes së propozimeve për realizimin e projekteve, ne, pos mjeteve buxhetore të Komunës, do të kërkojmë edhe ndihmën e Qeverisë së Kosovës. Jemi të bindur se, siç na ka ndihmuar deri më tani në realizimin e disa projekteve në fshatrat kufitare me Shqipërinë e Maqedoninë, do të na ndihmojë edhe në të ardhmen”, ka thënë kryetari i Komunës, Salim Jenuzi.
Ndërkaq, ambasadori anglez, Jan Cliff, pasi është informuar nga kryetari Jenuzi me historikun e kësaj komune, ka nënvizuar se “kam menduar se Komuna e Dragashit ka një territor të vogël, por me atë që dëgjova jam befasuar për të mirë. Jam mahnitur me potencialet e mëdha blegtorale e turistike, andaj shpresoj se me angazhime të përbashkëta mundemi që të gjitha këto potenciale t’i vëmë në shërbim të qytetarëve. Ne, e kemi njohur Kosovën e pavarur. Ju porosisë që nëse ia doni të mirën këtij vendi, edhe ju në nivelin lokal duhet të angazhohen për krijimin e një klime mirëbesimi ndërmjet komuniteteve që jetojnë këtu, ngase vetëm kështu mund të shpresoni në përkrahjen tonë”, ka thënë Cliff.

(Opoja.net)

Covid-19: Sot një rast në Plavë dhe një në Dragash

Fari Kolloni

Ndërron jetë Fari Piraj, komandati i Njësitit të Zjarrfikësve, kryetari Shabani ngushëllon familjarët

Fari Kolloni

Komuna e Dragashit njofton: E hëna është ditë pune, na duhet unitet në këto ditë të vështira

Fari Kolloni
Agjencia e Lajmeve
www.opoja.net