Garë shumë e ngushtë është aktualisht në Dragash.
Sipas rezultateve preliminare atje për 47 vota Shaban Shabani nga PDK prin përpara Bexhet Xheladinit të LDK-së.
Sot në orën 16:00 pritet të filloj numërimi i votave nga diaspora e atje janë 308 vota që do ta përcaktojnë përfundimisht se kush do të jetë kryetar i Dragashit.
Kandidati i LDK-së, Bexhet Xheladini në një prononcim për Front Online është shprehur i bindur se do të dal fitues në Dragash.
“Unë besoj shumë se do të jem fitues i kësaj gare”, ka thënë ai për Front Online.
Ai ka thënë se bazuar në rezultatin e rundit të parë nga votat e diasporës morri 52% të votave dhe kjo do të ndodhë edhe këtë herë.
“Për votat nga diaspora në rundin e parë unë i kam pasur 52% të të gjitha votave që kanë ardhur nga diaspora dhe mendoj se me këto vota do të përmbyset rezultati”, ka thënë Xheladini.
Përveç votave nga diaspora janë edhe 100 vota me kusht dhe rreth 100 tjera të votave të personave të veçanta.
“Poashtu edhe të votave me kusht dhe të personave me nevoja të veçanta edhe me dal 0 vota për mu edhe pse edhe aty kam vota”, u shpreh ai për Front Online.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
