Gazetari Demir Reshiti ka shpërndarë në llogarinë e tij në rrjetin social Facebook disa video ku shihet lumi i ndotur dhe me ngjyrë të zezë në fshatin Bresanë. Reshiti u ka bërë thirrje institucioneve përgjegjëse për reagim ndaj ndotjes së lumit në fshatin e lindjes së gazetarit të njohur opojan.
“I bëj apel kryetarit të komunës z. Shaban Shabani, inspektorëve të komunës dhe inspektorëve të Ministrisë së Ambientit që të ndërmarrin urgjentisht diçka për ta ndërprerë ndotjen e lumit që po përsëritet çdo natë në këtë orë nga persona të pa ndërgjegjshëm”, ka shkruar Demir Reshiti në Facebook disa orë më herët, duke i ftuar edhe bashkëvendësit e tij që të protestojnë ndaj kësaj dukurie të ndotjes së lumenjve.
Ky është reagimi i plotë i Demir Reshitit në Facebook: https://m.facebook.com/story.php?story_fbid=10164207256275433&id=711965432
