Opoja.net

Dragash: Akuzohet se për sulm në oborr të xhamisë, dënohet me 150 euro gjobë

Kronika Opoja
Dragash: Akuzohet se për sulm në oborr të xhamisë, dënohet me 150 euro gjobë

Gjykata Themelore në Prizren, dega në Dragash, e ka dënuar me 150 euro gjobë të pandehurin Mehmet Ese, pasi ai e ka pranuar fajësinë për veprën penale “lëndim i lehtë trupor”.
Aktgjykimi ndaj tij është shpallur të martën, nga gjykatësi Bekri Vehapi, raporton “Betimi për Drejtësi”.

Gjyqtari Vehapi e ka obliguar të pandehurin edhe me shpenzimet procedurale dhe atë 20 euro për ekspertizën mjeko-ligjore, 20 euro për paushallin gjyqësor dhe 30 euro në emër të fondit të viktimave të krimit.
Paraprakisht në seancën e shqyrtimit fillestar, i pandehuri Ese e ka pranuar fajësinë për veprën që i vihet në barrë, duke shprehur keqardhje për atë çfarë ka ndodhur.

Pranimin e fajësisë nga ana e të pandehurit nuk e ka kundërshtuar prokurori Naim Gashi, me arsyetimin se është bërë pa presion, me vullnet të palës, si dhe është në përputhje me provat në të cilat mbështet aktakuza.

Sipas aktakuzës së ngritur me 14 tetor 2019, Prokuroria Themelore në Prizren e akuzon Mehmet Ese se me 25 gusht 2019, rreth orës 20:00, në fshatin Restelicë të Komunës së Dragashit, e sulmon të dëmtuarin Zaim Nemçe, me qëllim që t’i shkaktoj lëndime trupore.

Në aktakuzë thuhet se e gjithë kjo ndodhur në atë mënyrë që, pasi i dëmtuari e fal namazin e akshamit, ulet në oborrin e xhamisë së fshatit, ku në atë moment i pandehuri del nga xhamia dhe pasi fillimisht shkëmbejnë disa fjalë mes vete, i njëjti fillon ta fyejë të dëmtuarin dhe më pas e godet edhe me grushte në fytyrë.

Prokuroria pretendon se me këto veprime, i pandehuri i shkakton lëndime të lehta trupore të dëmtuarit dhe atë ndrydhje të indeve të buta, të shoqëruara me gjakderdhje në regjionin e hundës, lëndime këto të konstatuara nga eksperti mjeko-ligjor. /Betimipërdrejtësi

Loading...

Mos i humb

Aktivitetet e Drejtorisë së Arsimit në Dragash me Caritasin Zviceran (CaCH) në kuadër të projektit SHPRESE të cilat ndërlidhen drejtpërdrejtë me klasat para fillore

Opoja.net

Rrokulliset kombi në rrugën Dragash – Brod

Opoja.net

Dragash: Qe tri vjet 15 fshatra presin ujësjellësin, shkaktarë problemet me tender

Opoja.net

Mbahën garat e fizikanëve të rinj në Dragash

Opoja.net

Ferma e deleve në fshatin Pllajnik të komunës së Dragashit

Opoja.net

Kompania MEKA, në 28-të vjetorin e themelimit ekzekuton pagën e 14-të për punëtorët

Opoja.net
Agjencia e Lajmeve
www.opoja.net