Opoja.net

Dragash: Mungesa e të dëmtuarit shtyn seancën ndaj të akuzuarit për dëmtim të pasurisë

Kronika Opoja
Dragash: Mungesa e të dëmtuarit shtyn seancën ndaj të akuzuarit për dëmtim të pasurisë

Mungesa e të dëmtuarit Agim Dokle, ka bërë që të dështojë seanca e paraparë për të mërkurën në Gjykatën Themelore në Prizren, dega në Dragash, ndaj të akuzuarit për veprën penale “asgjësim apo dëmtim i pasurisë”, Hastrit Qengaj.

Gjyqtarja e çështjes, Sabaheta Kurteshi, ka konstatuar se për të dëmtuarin Dokle, nuk ka fakte se është i ftuar në mënyrë të rregullt, raporton “Betimi për Drejtësi”.

Për shkak te mungesës së kushteve ligjore, seanca është shtyrë për 3 qershor 2020, në ora 11:00.

Sipas aktakuzës së ngritur më 16 tetor 2018, nga Prokuroria Themelore në Prizren, Hastrit Qengaj akuzohet se me 29 prill 2018, rreth orës 09:00, në fshatin Brod, përkatësisht tek vendi i quajtur “Solin most”, në Dragash, me dashje asgjëson, dëmton apo e bën të papërdorshme pasurinë e të dëmtuarit, Agim Dokle.

Në aktin akuzues thuhet se vepra ka ndodhur në atë mënyrë që për shkaqe xhelozie, lidhur me konkurrencën që i dëmtuari e bën për mbledhjen e luleve mjekësore në vendin e lartcekur, derisa ai e kishte parkuar automjetin e tij aty, i pandehuri ia shpon dy gomat e anës së majtë të automjetit, me ç’ rast të njëjtit i shkakton dëm material.

Me këto veprime, ai akuzohet të ketë kryer veprën penale “asgjësimi apo dëmtim i pasurisë” nga neni 333, paragrafi 1 i  Kodit Penale të Kosovës. /Betimipërdrejtësi

Loading...

Mos i humb

Mungesa e përzgjedhjes së kompanisë përkatëse ka bërë që akoma mos të dezinfektohet objekti i gjykatës në Dragash

Opoja.net

Imami nga Dragashi jep mesazh me vlerë në këto ditë të vështira për komunën tonë

Opoja.net

Si pasojë e koronavirusit në Komunën e Dragashit ngritën çmimet e disa produkteve bazë

Opoja.net

Shfaqja e pandemisë ka bllokuar një varg projektesh në Dragash

Opoja.net

Mblidhet Shtabi Emergjent në Dragash, vendoset për masa shtesë për infeksionin COVID-19

Opoja.net

Ndryshon moti tërësisht, Dragashi mbulohet nga bora

Opoja.net
Agjencia e Lajmeve
www.opoja.net