Opoja.net

Gazetari ynë po e mposht virusin Covid-19!

Gazetari ynë po e mposht virusin Covid-19!

Tashmë është kuptuar se rasti i vetëm aktiv me Covid-19 në trevën e Opojës së Dragashit është gazetari, Demir Reshiti.

Redaksia e Radio Sharrit ka kontaktuar sot me ish-kryeredaktorin, ku ka mësuar se më e keqja ka kaluar dhe Reshiti po vjen duke u përmirësuar për nga shëndeti.

“Mund t’ju them se kemi dy të mira aktualisht. E para që unë jam rast i vetëm aktiv në gjithë trevën e Opojës dhe e dyta, shëndeti im po stabilizohet dhe me hapa të shpejtë po vij duke e marrë veten”, tha Reshiti për redaksinë e Radio Sharrit.

Më herët, Reshiti kishte njoftuar vetë për rastin, duke bërë një status në Facebook, ku edhe ka sqaruar se vështirësitë shëndetësore i janë shfaqur që nga data 18 qershor 2020, me humbje të oreksit, probleme në frymëmarrjen dhe plogështi. Ai ishte trajtuar në shtëpi, deri më 28 qershor, kur edhe shtrihet për kurim në repartin e mushkërive në Spitalin rajonal të Prizrenit. Më 29 qershor ia kanë bërë analizat për Covid-19 dhe në mbrëmje rezulton se është pozitiv. Radio Sharri

Komuna e Dragashit sot shtron “Iftar” për punonjësit në ketë Institucion

Opoja.net

Në Kukajan automjeti godet biçiklistin dhe ikën!

Opoja.net

Komuna e Dragashit deklarohet për vdekjen e 4-vjeçares

Opoja.net
Agjencia e Lajmeve
www.opoja.net