Opoja.net

Ibrahim Skenderi: Mjeranët tanë politikë të përçarë, fërkojnë duart

Opoja
Ibrahim Skenderi: Mjeranët tanë politikë të përçarë, fërkojnë duart

Shkrimtari Ibrahim Skenderi nga Brruti i Opojës ka reaguar përmes profilit të tij në Facebook në lidhje me zhvillimet e fundit nga Gjykata Speciale. Në shkrimin e tij ”Kosova, ky teatër special”, shkrimtari opojan ka thënë se ”urithët mafiozë dhe përkrahës të tyre të veshur me kostumin e pëllumbave të bardhë, me skenar të përgatitur, dhe me regji politikisht shumë djallëzore, në emër të drejtësisë, godasin trurin e pjesës më të ndritshme të historisë sonë kombëtare – luftën e UÇK-së.”

Ibrahim Skenderi i ka quajtur mjeranë politikë të përçarë klasën politike, të cilët, sipas tij, janë vënë në rolin e spektatorit dhe “fërkojnë duart, disa të gëzuar duke qeshur, e disa duke “qarë”.”

Më poshtë mund ta lexoni reagimin e plotë:

“KOSOVA, KY TEATËR SPECIAL

Fillimvjeshtë e vitit 2020. Po zhvillohet akti kulminant i dramës “Specialja”. Pas aktit të luftës çlirimtare; Lavdisë historike të formacionit atdhetar që bëri historinë dhe Rrjedhës së shtetndërtimit, dramacitet djallëzor në skenën e teatrit.
Urithët mafiozë dhe përkrahës të tyre të veshur me kostumin e pëllumbave të bardhë, me skenar të përgatitur, dhe me regji politikisht shumë djallëzore, në emër të drejtësisë, godasin trurin e pjesës më të ndritshme të historisë sonë kombëtare – luftën e UÇK-së.
Padjallëzinë, sinqeritetin dhe besueshmërinë autoktone në civilizimin dhe demokracinë ndërkombëtare, “për të dëshmuar pastërtinë e luftës çlirimtare”, e keqpërdorën seriozisht në emër të drejtësisë aktorët perfidë të profesionalizuar mbase në akademitë serbe, me argati edhe të ndonjë shqipfolësi, tani aktrojnë në aktin e radhës të këtij teatri të madh special në Kosovë.
Ndërkaq, mjeranët tonë politik të përçarë, në rolin e spektatorit, fërkojnë duart, disa të gëzuar duke qeshur, e disa duke “qarë”.”

Festa e ditës së flamurit në Dragash

Opoja.net

Mevludin Krasniqi: Llapi nuk duron ‘bisht sakice’

Fari Kolloni

Ku është akti/dokumenti origjinal i pavarësisë së Shqipërisë?!

Fari Kolloni
Agjencia e Lajmeve
www.opoja.net