Opoja.net

Komuna e Dragashit nuk pati para ta paguajë veturën zyrtare, i mbeti borxh 4400 euro autosallonit

Komuna e Dragashit nuk pati para ta paguajë veturën zyrtare, i mbeti borxh 4400 euro autosallonit

Borxhet e raportuara të Komunës së Dragashit në Raportin Vjetor Financiar për vitin 2019 në total kapin shifrën 13,243.70 euro. Arsyet e moskryerjes së obligimeve financiare të Komunës së Dragashit ndaj operatorëve të ndryshëm janë, sipas RVF, mungesa e mjeteve, mbyllja e vitit fiskal dhe mungesa e regjistrimit të furnitorëve në SIMFK.

Llojet e shërbimeve për të cilat Komuna e Dragashit ka obligime të papaguara janë nga më të ndryshmet, duke filluar nga shërbimet e transportit, konkurset e ndryshme nëpër media, dreka zyrtare, vetura zyrtare, mirëmbajtje të ndërtesave etj.

Por ajo që bie në sy është shuma më e lartë e raportuar si obligim i papaguar i komunës. Bëhet fjalë për borxhin për veturë zyrtare, të cilin Komuna e Dragashit nuk ka arritur ta paguajë brenda vitit 2019. Shuma e borxhit është 4400 euro, të cilën komuna është dashur t’ia paguajë sallonit të veturave ”Auto Sherreti”. Arsyeja e mospagesës së faturës së këtij furnitori, sipas RVF, ka qenë mungesa e mjeteve./Opoja.net/

Në Kukajan automjeti godet biçiklistin dhe ikën!

Opoja.net

Komuna e Dragashit deklarohet për vdekjen e 4-vjeçares

Opoja.net

Mbytet 4-vjeçari në Dragash, ra në lumë derisa po luante me shokët

Opoja.net
Agjencia e Lajmeve
www.opoja.net