Gazetari dhe regjisori nga Breznja e Opojës, Korab Lecaj, ka postuar disa fotografi të natyrës opojane në profilin e tij në Facebook. Lecaj ka shkruar se vjeshta në vendlindjen e tij i kujton ”gjyshin me plis, i cili rrinte ulur pranë stufes me dru dhe ziente kafe në prush.”
”Liqeni ma kujton legjendën që ma tregonte lokja, për gruan që del në mëngjes dhe kreh flokët te “pirrat e likenit”, ka shkruar më tutje gazetari opojan. Më poshtë mund ta lexoni statusin e plotë që Korab Lecaj ka postuar në Facebook:
“Vendlindja
Sa herë shkoj në vendlindje
gjithmonë e ndjej frymëmarrjen e stërgjyshërve të mi!
Ndjej hapat e tyre dhe shoh gjurmët anembanë këtij amfiteatri të cilin e ka krijuar Natyra!
Këtu, vjeshta ma kujton gjyshin me plis, i cili rrinte ulur pranë stufes me dru dhe ziente kafe në prush.
Kur shkoj gjatë vjeshtës në vendlindje, gjithmonë e degjoj ushtimën e lisave mbi zabel, të cilët paralajmërojnë motin e lig.
Liqeni ma kujton legjendën që ma tregonte lokja, për gruan që del në mëngjes dhe kreh flokët te “pirrat e likenit”.
Ps. Pjesa e dyte e fotografive nga Breznja, te cilat i kam shkrepur javen e kaluar!”
