Pronari i kompanisë “Meka” e cila bën prodhimin e produkteve të mishit Burim Piraj, ka bërë të ditur se kjo kompani ka kryer obligimet tatimore ndaj institucioneve përkatëse.
Piraj ka pohuar se kompania e tij do t’i kryej obligimet ndonëse institucionet kanë paralajmëruar lehtësime për bizneset për të paguar tatimet në kohën e koronavirusit.
Në publikimin e tij në facebook, Piraj thekson se ka vendosur që obligimet e tyre të inkasohen në buxhetin e republikës.
Publikimi i plotë i pronarit të komapnisë “MEKA”:
Unë si drejtor i MEKA Halal Food ( MEKA shpk ) i falënderoj institucionet e Republikës shumë që kanë vendos të bëjnë shtyrjen e pagesës së detyrimeve tatimore për këtë muaj mirëpo duke e pas parasysh se vendi po kalon në një krizë shumë të madhe e cila do të ketë pasoja ekonomike të ndjeshme në të ardhmen dhe duke e ditë se do të ketë dhe të hyra buxhetore më pak edhe pse nuk posedoj pasuri rezervë jashtë asetëve të kompanisë kam vendos që obligimet tona të inkasohen në buxhetin e republikës në afatin e rregullt dhe javën që shkoi i kemi paguar të gjitha detyrimet.
E falënderoj të Madhin Zot që na ka mundësuar të japim sado pak kontribut si familje dhe si firma MEKA që vendit tonë t’ia lehtësojmë gjendjen në të cilën gjendet.
E lusim të madhin Zot që sa më parë vendit ti kthehet normaliteti dhe të shërohen të sëmurët sa më parë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.