Një nga shkrimtarët dhe thirrësit më të mëdhenj Islamik, Dr. Mustafa Mahmud, në librin e tij “Problemi i dashurisë”, tregon që ka pranuar një letër me këtë përmbajtje:
“Unë jam një vogëlushe, ndaj kërkoj ndjesë për stilin e dobët të shkrimit. Unë ndjejë dashuri ndaj njerëzve, dhe në veçanti ndaj shokëve të mi. Edhe ata më duan mua gjithashtu dhe jam e sigurt që do të sakrifikoheshin për mua në çdo rast. Edhe vëllai im, ndërsa ishte i vogël, sillej sikur unë. Megjithatë, kur u rrit, humbi shumë nga sinqeriteti dhe dashuria, deri sa u bë krejtësisht i pandjeshëm. Prindërit e mi janë akoma më të këqij. Ata e kanë humbur krejtësisht besimin dhe dashurinë . Madje më thonë që bota bazohet në interes dhe që të gjithë njerëzit ndjekin interesin personal. Kur mami më flet tregimet e saj të fëmijërisë, mësoj se edhe ajo sikur unë ka qenë e mëshirshme dhe e butë.
Çfarë ndodh me njeriun, i cili duke u plakur humb ndjenjën e dhembshurisë dhe njerëzimin? Cili është shkaku?
Unë mendoj se shkaku i ashpërsisë ndërnjerëzore është mungesa e dashurisë, dhembshurisë dhe butësisë. Për shembull, gjatë një rasti vërejta që babai im është nervoz dhe i zemëruar, dhe në vend që të frikësohesha dhe tërhiqesha, unë e tregova dashurinë dhe butësinë time. Babai përnjëherë ndryshoi dhe në vend të zemërimit, vërejta butësinë dhe ndjeshmërinë. Ishte i gatshëm të bëjë gjithçka vetëm të ma plotësoj dëshirën.
Pas përsëritjes së sjelljes së tillë, vërejta se në çastet e zemërimit, ai përmbahej dhe bënte gjithçka vetëm të tregoj interes ndaj meje.
Këtë e provova edhe tek sjellja ime ndaj mamit. Në vend se të jem këmbëngulëse në kërkesat e mia, u mundova të jem e butë dhe e dashur, duka i shpreh dashuri dhe respekt. U habita me reagimin e saj, filloi të më kuptoj dhe të më lejoj gjëra që nuk më lejonte më herët.
Gjatë një rasti u përgatita diçka për darkë vëllezërve të mi të cilët kishin dalë jashtë me shoqërinë, ndërsa në tavolinë u kisha lënë një letër në të cilën shkrova se u dëshirojë mbrëmje të bukur dhe të këndshme. Atë natë deri sa shkuam të flemë me puthnin dhe përqafonin, madje edhe të nesërmen vërejta ndryshime në sjelljen e tyre ndaj meje.
Çfarë mendoni? A është problemi tek njerëzit e rritur që nuk kanë mjaftueshëm dashuri dhe mëshirë, ose qëndron në faktin që unë jam akoma e vogël dhe nuk e kuptoj botën rreth meje, ashtu siç pohon mami im?”
Përgjigja e Shejh Mustafa Mahmud:
“Ti nuk je e vogël. Ndoshta je e re me vite, por në zemrën dhe mendjen tënde je e rritur. Je më e rritur se të gjithë ne, meqë me natyrën e pastër njerëzore me sukses më zbulove një nga të vërtetat më të mëdha në këtë botë.
Njeriu rrugëtimin jetësor e fillon me një dozë të madhe dashurie, mëshire, dëshire bashkëpunimi, përkushtimi dhe besueshmërie. Mandej, me kalimin e viteve, ata ndjenja humben dhe shterohen, mandej shndërrohen në koprraci, interes dhe ndjekjen e interesit personal. Shkaku u kësaj është se ëndrrat fëmijërore dhe ndjenjat e pastra ndeshen me zhgënjimet e shpeshta dhe seriozisht luhatet besimi tek njerëzit dhe bota në të cilën jeton. Atëherë kur bashkëshorti e gënjen diçka, apo kur vëren se shokët e keqpërdorin; dhe në zemrën e tij nuk gjen mjaftueshëm “kredit” që ta mbuloj dështimin; dalë ngadalë fillon ta humb buzëqeshjen, optimizmin dhe freskinë dhe bëhet i ngurtë dhe i zemëruar ndaj gjithë botës.
Shkaku i kësaj gjendje është ajo që shkrove ti, njeriu nuk gjeti mjaftueshëm butësi në zemrën e tij dhe të tjerëve, ndaj u zhgënjye shumë.
Unë jam i sigurt se në zemrën tonë ka mjaftueshëm hapësirë për butësi dhe se nuk mund të mbetet e thatë dhe pa ndjenja, pa marrë parasysh sa e vjetër është ajo. Gjithashtu, jam i bindur se zemra ka aftësi të tregoj butësi, pa marrë parasysh çfarë i ka ndodhur dhe çfarë ka përjetuar. Me këtë fuqi dhe aftësi, zemra njerëzore mund ta rimarrë veten dhe zemrat e tjera të cilat kanë humbur dashurinë e tyre, dhe ta rikthejnë besueshmërinë ndaj njerëzve në këtë botë. Mu kjo ka ndodhur ndërmjet teje dhe familjarëve tuaj.
Problemi për të gjithë ne është ajo që shkruaje në letrën tënde – nevoja për dashuri.
Letra jote është gjëja më e bukur që kam lexuar që kur merren me shkrime dhe hulumtime rreth kësaj çështje.”
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
