Ky është viti i parë i Kosovës së re që pritet të përjetohet rënie ekonomike

Autor: Burim Piraj

Qytetarët e Kosovës tani më janë dëshmitar të hapjes së shumë zinxhirëve të supermarketeve anë e kënd vendit. Sot në Kosovë operojmë me dhjetëra biznese të tilla që kanë supermarkete në pothuaj të gjitha qytetet më të mëdha të Kosovës. Kjo për shkak se i vetmi sektor i favorizuar në Kosovë është tregtia sepse çfarëdo artikulli që prodhohet në Kosovë për shkak të politikave ekzistuese ekonomike është jo konkurrues në treg që del me një çmim për afërsisht 15 % më të lartë se prodhimet e prodhuara në Maqedoni dhe 17 % më të lartë se ato të prodhuara në Serbi ku energjia është më e lirë në rajon.

Në Kosovë të gjithë fabrikat i nënshtrohen taksave dhe tatime të paguara paraprakisht në kufi dhe më pas asnjë fabrikë nuk ka siguri se një ditë e viziton administrata tatimore dhe i tregon rregullat e çmim bërjes me ato metodat unike të shpikura në vendit tonë të mos pranimit të çmimit, metoda tani më të njohura botërisht në Kosovë dhe normal me pasimin e ri rregullimit të dokumentacionit nga vetë inspektorët duke e përmbyllur bilancin ashtu siç do ATK-ja dhe duke i ngarkuar fabrikat me taksa të imagjinuara.

Është normale që politikat e tilla dhe mentaliteti aktual nuk lenë hapësirë për tu zhvilluar vendi ynë.
Aq shumë janë penguese këto politika dhe kjo qasje që Kosova për momentin është vendi i vetëm ku nuk ka investime të huaja të drejtpërdrejta nga kompani prestigjioze si që është Coca Cola për shembull , kjo kompani prodhon në Serbi për nevojat e tregut Kosovar dhe eksporton një sasi prej më shumë se njëzet milion Eurove në vit, para të cilat mundësojnë punësim në Serbi e treg në Kosovë, mirëpo ka dhe shumë të tjerë që veprojnë njëjtë pasi që në Kosovë nuk kanë kurrfarë sigurie.
Pas shpërnguljes së afro njëqindmijë qytetarëve tanë drejt Evropës dhe pas situatës së përshkruar më lartë normal se këtë vit për herë të parë pritet ët ketë rënie ekonomike e cila sipas mendimit tim tani më ka arritur atë fazë ku një rënie e tillë tani më është pa shmangshme sepse është shumë vonë të ndërmerret diçka që do të përmirësonte bilancin përfundimtar që e pret vendin tonë këtë vit.
Rënia ekonomike pritet në përpjesëtim të drejt me rrethanat dhe nëse ne kemi një shpërngule të 5% të popullatës normal që pritet edhe rënia ekonomike të jetë dikur rreth 5% .
Sipas raporteve në teren nga kompani të ndryshme tani më raportohet se Korriku i këtij viti ka qenë nga 5 deri në 20 % më i ulët se ai i vitit paraprak dhe ky është një prej indikatorëve që e tregon hipotezën time.
Unë nuk do ti tregoj qeverisë se çka të bëjë sepse e di se vetëm do të lodhem kot dhe prapë ata do ta vazhdojnë agjendën e vetë sepse ne si profesionist në ekonomi ka vite që e kemi ngritur shqetësimin tonë se vendi po shkon drejt pa punësisë dhe degradimit ekonomik mirëpo nuk ka pas as vullnet e as njerëz që anë pas dije ti marrin ato propozime seriozisht dhe ndryshojnë të ardhmen pozitivisht, mirëpo po u them qytetarëve të vendit tim se ne jemi pjesë e kësaj rënie që po na ndodh dhe për pa u ndryshuar ne, në vetë vetën tonë nuk kemi shpresë të presim ndryshime pozitive në shoqërinë dhe ekonominë tonë, prandaj duhet që çdonjëri nga ne të jap kontributin e vetë ashtu që të fillojmë të ndalojmë degradimin ekonomik së pari e më pas të fillojmë të me ngritjen e shumë pritur ekonomike she të standardit jetësorë ndër ne.