Familja e dëshmorit Ilmi Bahtijari nga Dragashi, është sinonim i vërtetë i sakrificës për liri e dashuri ndaj atdheut.
Bindjet e Ilmiut ishin të thella dhe synimi i tij ishte i qartë: Çlirimi e Bashkimi i Trojeve Shqiptare. Për këto bindje u burgos por edhe pas lirimit, ai nuk ndali veprimtarinë e tij, duke iu bashkuar demostratave të vitit 1981 dhe më pas UÇK-së. Bashkëluftëtarët i kishin vënë titullin “OÇALANI”, ai mbante lart moralin e ushtarëve, meqenëse veçohej për këndim këngësh e lexim vargjesh frymëzuese të kohës.
Gjatë luftimeve kur predha e godet Ilmiun, në përballje me armikun, ai e lë një amanet: “Armën time t’ia jepni djalit tim dhe ajo të mos zbrazet kurrë”.
Obligim i yni është të punojmë me nder, dinjitet e dashuri për vendin tonë, vetëm kështu arrijmë të shlyejmë një pjesë të borxhit që kemj ndaj dëshmorëve të kombit tonë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
