Dje, Kryetari i Komunës së Dragashit, z. Bexhet Xheladini, priti në një takim zyrtarët nga Ministria Mbrojtjes e Kosovës, siç ishin znj. Lejla Loci Behluli, shefe e zyrës për çështje të komuniteteve, dhe major Muharrem Asllani, oficer i Njësisë për Çështje të Komuniteteve.
Në këtë takim, përfaqësuesit nga Ministria e Mbrojtjes informuan Kryetarin Xheladini për hapjen e një konkursi për rekrutimin e kadetëve për vitin akademik 2023/2024. Kadetët do të studiojnë në qendrat universitare dhe akademitë ushtarake në Kosovë, Shqipëri, Turqi, Kroaci dhe Maqedoni të Veriut.
Pas takimit, zyrtarët e Ministrisë së Mbrojtjes së bashku me kreun e DKA-së vizituan ShML “Ruzhdi Berisha” në Dragash. Ata inkurajuan edhe nxënësit nga radhët e komuniteteve të kësaj shkolle që të bëhen pjesë e këtij konkursi për kadetë të rinj.
Ky konkurs është një mundësi e mirë për të rinjtë e komuniteteve në Kosovë për të ndjekur studimet në fushën ushtarake dhe për të shërbyer shtetin e tyre në të ardhmen.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
