Ambasadori i SHBA-së, në Serbi, Christopher Hill, ka folur në lidhje me moslejimin e hyrjes së patriarkut serb Porfirije në Kosovë.
Hill në një intervistë për Nova.rs, tha se është e rëndësishme që komuniteti serbë ta shohë patriarkun dhe se shpreson që situata të tilla të mos përsëriten.
“Para së gjithash, mendoj se është e rëndësishme që komuniteti serb të mund ta shohë patriarkun”.
“Mendoj se kjo është diçka themelore – për liritë fetare atje. Nuk besoj se do të gjeni dikë në bashkësinë ndërkombëtare që kundërshton të drejtën e tij për të hyrë në Kosovë dhe për t’u takuar me besimtarët. Ky është qëndrimi ynë dhe shpresoj që kjo të mos ndodhë më”, tha ambasadori Hill për Nova.rs.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
